ATMમાંથી કેશ વિડ્રોઅલ કરતા પહેલા ધ્યાન રાખો આ મહત્વની બાબતો

ATMનો ઉપયોગ દિવસને દિવસે વધી રહ્યો છે   રૂપિયા વિડ્રોઅલ કરવા માટે હવે લોકો બેંકમાં નથી જતા પરંતુ ATMમાં જાય છે. પરંતુ જો તમે ATMમાંથી રૂપિયા વિડ્રોઅલ કરો છો તો તમારે તે પહેલા તપાસ કરી લેવી જોઇએ કે તમે જે ATMમાંથી રૂપિયા વિડ્રોઅલ કરી રહ્યા છો તે કેટલું સુરક્ષિત છે. ATMમાંથી રૂપિયા વિડ્રોઅલ કરતી વખતે સૌથી મોટી ભય કાર્ડ ક્લોનિંગનો હોય છે. કાર્ડ ક્લોનિંગનો મતલબ એ છે કે કોઇ તમારી માહિતીની ચોરી કરીને બીજું કાર્ડ બનાવી લે.

હેકર કોઇ પણ યૂઝરનો ડેટા ATM મશીનમાં કાર્ડ લગાવવાના સ્લોટમાંથી ચોરી કરી લે છે. તે ATM મશીનના કાર્ડ સ્લોટમાં એક એવું ડિવાઇસ લગાવી દે છે કે જે તમારા કાર્ડની સંપૂર્ણ માહિતી સ્કેન કરી લે છે. ત્યાર પછી બ્લૂટૂથ અથવા તો બીજા વાયરલેસ ડિવાઇસથી તમારો ડેટા ચોરી કરી લે છે. આજે અમે તમને જણાવીએ કે ATMમાંથી રૂપિયા નીકાળતા વખતે કઇ બાબતોનું ખાસ ધ્યાન રાખવું જોઇએ.

કેશ વિડ્રોઅલ કરતા પહેલા નીચે આપેલી આ તમામ બાબતોનું ધ્યાન રાખો:

તમારા ડેબિટ કાર્ડનું સંપૂર્ણ એક્સેસ લેવા માટે હેકર્સ પાસે તમારો પિન નંબર હોવો જરૂરી છે. હેકર્સ પિન નંબરને કોઇ કેમેરાથી ટ્રેક કરી શકે છે. તેમાંથી બચવા માટે તમે જ્યારે પણ ATMમાં પોતાનો પિન નંબર એન્ટર કરો ત્યારે તેને બીજા હાથથી છૂપાવી દો. એટલે કે તેની ઇમેજ CCTV કેમેરામાં ના કેદ થઇ જાય.

જ્યારે ATMમાં જાઓ ત્યારે ATM મશીના કાર્ડ સ્લોટને ધ્યાનથી જુઓ. જો તમે લાગે કે ATM કાર્ડ સ્લોટમાં કોઇ છેડછાડ કરવામાં આવી છે અથવા તો સ્લોટ ઢીલું છે કે કોઇ પણ પ્રકારની બીજી ગરબડ લાગે તો તેનો ઉપયોગ ન કરવો જોઇએ.

કાર્ડ સ્લોટમાં કાર્ડ લગાવતા પહેલા તેમાં ચાલતી લાઇટને ધ્યાનથી જુઓ. જો સ્લોટમાં ગ્રીન લાઇટ ચાલી રહી છે તો તે ATM સુરક્ષિત છે. પરંતુ જો તેમાં લાલ અથવા તો કોઇ લાઇટ ચાલતી નથી તો ATMનો ઉપયોગ ટાળવો જોઇએ. તેમાં કોઇ પણ પ્રકારની ગરબડ હોઇ શકે છે.

જો તમે પણ લાગે કે તમે હેકર્સની જાળમાં ફસાઇ ગયા છો અને બેંક બંધ છે તો તમે તરત જ પોલીસને કોન્ટેક્ટ કરો કેમકે ત્યાં તમને હેકર્સના ફિંગરપ્રિન્ટ મળી શકે છે. સાથે જ તમે જોઇ શકો છો કે તમારી આસપાસ કોઇ બ્લૂટૂથ ક્લેક્શન કામ કરી રહ્યુ છે તો તમે તે વ્યકિત સુધી પહોંચી શકો છો.