ગુજરાત વિધાનસભા ચૂંટણી ટાણે હાર્દિક પટેલનું સોશિયલ મીડિયા ખુબજ એિ~ટવ બની ગયું છે. અને એક કથિત સેક્સ વીડિયો વાયરલ થયા બાદ તો અવનવા દાવા સાથે ટ્વીટ થઈ રહ્યા છે.. પરંતુ અહીં જ એક ભુલ થઈ જાય છે. તેમજ જો આ ભુલ સતત થતી રહેશે તો એક સમય એવો આવશે કે હાર્દિકનું અસ્તિત્વ જ ન રહે. આવું અમે કેમ કહી રહ્યા છે તે માટે જુઓ આ અહેવાલ.
સોશિયલ મીડિયામાં હાર્દિક પટેલની આજકાલ ગુજરાત વિધાનસભા ચૂંટણી ટાણે ખુબજ ચર્ચા થઈ રહી છે અને આ ચર્ચા એટલા માટે પણ થઈ રહી છે કારણ કે એક કથિત વીડિયો વાયરલ થયો છે અને જે બાદ હાર્દિક પટેલે વિરોધીઓ પર નિશાન સાધવાની શરૂઆત કરી દીધી અને એકબાદ એક તેઓ ટ્વીટ કરી રહ્યા છે. જેમાં સૌ પ્રથમ હાર્દિકે 13 નવેમ્બરે એક ટ્વીટ કર્યું.
ટ્વીટ કરતા હાર્દિકે લખ્યું કે જેને જે કરવું હોય કરી લે પાછળ હટવાનો નથી. જબદસ્ત લડત આપીશ. 23 વર્ષનો હાર્દિક હવે મોટો થઈ ગયો છે. મને બદનામ કરવા માટે કરોડો ખર્ચ કરવામાં આવે છે. આ સાથે હાર્દિકે કથિત સેક્સ વીડિયો પર પ્રેસ કોન્ફરન્સમાં પણ નિવેદન આપ્યું અને હાર્દિક હવે મોટો થઈ ગયો છે તે યાદ અપાવ્યું. તેમજ પોતે 23 વર્ષનો યુવાન છે તેમ કહીને પોતાના વિરોધીઓ પર નિશાન સાધ્યું. તો જાહેર સભામાં પણ હાર્દિકે પોતાની યુવાનીને યાદ કર્યા અને વિરોધીઓ પર કટાક્ષ કર્યા.
આ તો થઈ 23 વર્ષના હાર્દિકની વાત જે 13 નવેમ્બરે હતા. હવે જરા 14 નવેમ્બર એટલે કે તેના બીજા દિવસની વાત કરીએ. હાર્દિકે ફરી એક ટ્વીટ કર્યું અને જેમાં હાર્દિકે ગુજરાત સરકાર પર નિશાન સાધતા લખ્યું કે ગુજરાતની જનતા 22 વર્ષના યુવકની નહીં 22 વર્ષમાં થયેલા વિકાસની સીડી જોવા ઈચ્છે. અહીં ટ્વીટમાં હાર્દિકે 22 વર્ષના યુવકની વાત કરી હવે આ 22 વર્ષનો યુવક કોઈ બીજો તો ન જ હોઈ શકે. સ્વાભાવિક છે કે એ પોતાની જ વાત કરી રહ્યો હશે.. આમ 14 નવેમ્બરે હાર્દિક પટેલ 22 વર્ષના થઈ ગયા.
આમ એકબાદ એક ટ્વીટ કરીને દિવસેને દિવસે હાર્દિકની ઉંમર ઘટતી જઈ રહી છે. પહેલા 13 નવેમ્બરે હાર્દિક પટેલે 23 વર્ષના હોવાનું જણાવ્યું તો બીજીબાજુ 14 નવેમ્બરે કહ્યું 22 વર્ષનો યુવાન. તો અહીં સવાલ એ થઈ રહ્યો છે કે જો આવી જ રીતે ઉંમર ઘટતી રહેશે તો એક સમય એવો આવશે કે અસ્તિત્વ જ ન રહે. સાંભળીને આશ્ચર્ય થશે પરંતુ આ તો એક સલાહ છે.
પહેલા 13 નવેમ્બરે હાર્દિક પટેલે 23 વર્ષના હોવાનું જણાવ્યું
14 નવેમ્બરે કહ્યું 22 વર્ષનો યુવાન
આમ હાર્દિકે તો અમને મું{વણમાં મુકી દીધા અને પહેલા 23 ત્યારબાદ 22 વર્ષની વાત કરી. જે બાદ અમે ગૂગલમાં હાર્દિક વિશે તપાસ હાથ ધરી હતી અને એ જાણવાનો પ્રયાસ કર્યો હતો. કે વાસ્તવમાં હાર્દિકની ઉંમર કેટલી છે. જેમાં હાર્દિક પટેલનો બાયોડેટા જોવાનો પ્રયાસ કર્યો હતો ત્યારે તેમાં જોવા મળ્યું કે હાર્દિકનો જન્મ 20 જુલાઈ 1993ના રોજ થયો છે. આમ 1993માં જન્મેલા હાર્દિક પટેલની ઉંમર થાય છે 24 વર્ષ. પરંતુ લાગે છે હાર્દિકની મીડિયા સેલની ટીમ તેના ઉંમર વિશે મુંઝવણમાં હશે અને આવી ભુલો કરી રહ્યા હશે.
હાર્દિકનો જન્મ 20 જુલાઈ 1993ના રોજ થયો
હાર્દિક પટેલની ઉંમર થાય 24 વર્ષ
જોકે વિકીપીડિયામાં એટલો વિશ્વાસ ન બેસે તો આપને 23 કિલોની એ કેક બતાવી દઈએ કે જે જુલાઈ 2016માં તેના માટે બનાવવામાં આવી હતી અને એક વર્ષ પહેલા 23 વર્ષના હાર્દિકના જન્મદિવસની ઉજવણી કરવામાં આવી હતી. એટલે કે હાલ તે 24 વર્ષનો છે પરંતુ ટ્વીટર પર શા માટે એક એક દિવસે તે પોતાની ઉંમર ઘટાડી રહ્યો છે તેની ખબર પડી રહી નથી.. અને જો વહેલી તકે આ ભુલ સુધારી દે તો સારું. નહીંતર આ આંકડો તો ઘટતા ઘટતા ~યાં સુધી જશે?
શું કર્યું હતું ટ્વીટ
જેને જે કરવું હોય કરી લે પાછળ હટવાનો નથી. જબદસ્ત લડત આપીશ. 23 વર્ષનો હાર્દિક હવે મોટો થઈ ગયો છે. મને બદનામ કરવા માટે કરોડો ખર્ચ કરવામાં આવે છે. - હાર્દિક પટેલ કન્વીનર PAAS
ગુજરાતની જનતા 22 વર્ષના યુવકની નહીં 22 વર્ષમાં થયેલા વિકાસની સીડી જોવા ઈચ્છે છે. - હાર્દિક પટેલ કન્વીનર PAAS