આજકાલ હેરને લઈને અલગ અલગ ફેશનનો ટ્રેન્ડ ચાલી રહ્યો છે અને એમાં પણ સૌથી વધારે સ્ટ્રેટ હેરનો ટ્રેન્ડ ચાલી રહ્યો છે. આજકાલ તો છોકરીઓ હજારો રૂપિયા ખર્ચીને વાળ સ્ટ્રેટ કરાવે છે. પરંતુ પાર્લરમાં અનેક પ્રકારના કેમિકલ્સનો ઉપયોગ કરીને વાળ સ્ટ્રેટ કરવામાં આવે છે જેના કારણે વાળને ખુબ જ નુકસાન થાય છે. ઘરે જ તમારા વાળ કુદરતી રીતે સીધાસિલ્કીહેલ્ધી બનાવા માટે અપનાવો ઘરેલૂ રીત.
દૂધ અને મધ :
દૂધ અને મધનું મિશ્રણ વાળ માટે આશીર્વાદ સમાન છે. જેના વાળ કર્લી હોય અને તેઓ પોતાના વાળને કુદરતી રીતે સીધા અને સુંદર બનાવવા માગતા હોય તો તે માટે દૂધ અને મધ સરખાં પ્રમાણમાં મિક્સ કરી લેવું અને આ મિશ્રણ વાળમાં લગાવી અડધો કલાક પછી વાળ ધોઈ નાખવા જોઇએ. આવું કરવાથી વાળને પોષણ તો મળશે સાથે કર્લી વાળ સ્ટ્રેટ થઈ જાય છે.
મુલતાની માટી :
એક કપ મુલતાની માટી લઈ અને તેમાં એક ઈંડુ અને 5 ચમચી ચોખાનો લોટ મિક્સ કરી મિશ્રણ તૈયાર કરવું.. વાળમાં માટી લગાવ્યા બાદ વાળને ખુલ્લા જ રાખવા તેને બાંધવા નહીં. આ માટીને વાળમાં 40 મિનિટ સુધી લગાવીને રાખવો અને સંપૂર્ણ રીતે સૂકાયા બાદ વાળ ધોઈ નાખવા. આ પેસ્ટને વાળમાં મહિનામાં બે-ત્રણવાર અવશ્ય લગાવવું. આનો ઘરેલૂ ઉપચાર કરવાથી વાળ સીધા અને ચમકદાર બને છે.
હોટ કોકોનટ ઓઈલ :
નારિયેળ તેલ એક એવું તેલ છે જે વાળ માટે અત્યંત ગુણકારી માનવામાં આવે છે. નારિયેળ તેલના અન્ય પણ અનેક ફાયદા છે. વાળને સીધા કરવામાં નારિયેળ તેલ એટલું ઉપયોગી છે. તેના માટે નારિયેળ તેલ લઈ તેને ગરમ કરી લેવું. તેને વાળમાં લગાવીને હળવા હાથે માલિશ કરવી. ત્યારબાદ ગરમ ટોવેલથી વાળને ઢાંકી દેવા. આવું નિયમિત કરવાથી વાળમાં ચમક આવશે અને વાળ સીધા થઈ જશે.
ઓલીવ ઓઈલ અને ઈંડા :
બે ઈંડા લઈ અને તેને બરાબર મિક્સ કરી લોહવે તેમાં બે ચમચી ઓલીવ ઓઈલ નાખી મિક્સ કરીને બ્રશની મદદથી તેને વાળમાં લગાવી લેવું. આ મિશ્રણને બે કલાક સુધી વાળમાં લગાવેલું રહેવા દઇને શેમ્પૂથી વાળ ધોઈ લો. આનાથી વાળ સ્ટ્રેટ પણ થઈ જશે અને વાળને પોષણ પણ મળશે.
લીંબૂનો રસ અને નારિયેળ :
નારિયેળને ફોડીને તેનું પાણી કાઢી લેવુંત્યારબાદ તેમાં લીંબૂનો રસ નાખી બરાબર મિક્સ કરી લેવું. આ મિશ્રણને એક દિવસ માટે ફ્રિઝમાં મૂકી દેવું. ત્યારબાદ જે ક્રિમી પેસ્ટ બનશે જેને વાળના મૂળ અને વાળમાં સરખી રીતે લગાવીને મસાજ કરો.. ત્યારબાદ હોટ ટોવેલનો ઉપયોગ કરીને લગભગ એક કલાક બાદ વાળને ધોઈ લેવા અને સપ્તાહમાં ત્રણવાર આ પ્રયોગ કરવો. આવું કરવાથી વાળ સિલ્કી સ્ટ્રેટ બનશે અને વાળને પોષણ પણ મળશે.