હોલીવુડ એક્ટર આર્નોલ્ડના Viral થયેલ મેસેજની હકીકત શું છે? જાણો અહિંયા

કહેવાય છે કે સમય બળવાન છે સમય બદલાય છે તેમ માનવીની કિસ્મત પણ બદલાય છે. ત્યારે સોશિયલ મીડિયામાં હોલિવૂડના દિગ્ગજ અભિનેતા અને કેલિફોર્નિયાના સાત વખત મેયર રહેલા આરનોલ્ડની એક તસવીર વાયરલ થઈ છે. જેમાં એવો દાવો કરવામાં આવ્યો છે કે આરનોલ્ડને એક હોટેલમાં રૂમ ન મળતા આખરે તેમણે હોટેલની સામે તેમના સ્ટેચુની નીચે ઊંઘવું પડયું હતું. ત્યારે શું છે વાયરલ થઈ રહેલી આ તસવીરની હકીકત? વાંચો પૂરો અહેવાલ 

આર્નોલ્ડ શ્વાઝૈનેગર....શું આ નામ વિશે કોણ જાણતું નહીં હોય. હોલિવૂડના દિગ્ગજ અભિનેતાની સાથે બેસ્ટ બોડી બિલ્ડર મોડેલ ઉદ્યોગપતિ અને સાત વખત કેલિફોર્નિયાના ગવર્નર તરીકે રહી ચુક્યા છે.ઘણા લોકો તેમને ટર્મિનેટર પણ કહેતા હોય છે પરંતુ આજકાલ આર્નોલ્ડની એક તસવીર ખુબજ વાયરલ થઈ રહી છે. આ તસવીર આજકાલ લોકોના વોટ્સએપ પર મોકલવામાં આવી રહી છે તો આ સાથે આર્નોલ્ડના એ દુખદ દિવસોની યાદ કરાવવામાં આવે છે. આર્નોલ્ડને અત્યાર સુધી દરેક સુખ ભોગવા મળ્યા હાલ તેઓ 70 વર્ષની વયે બ્રેન્ટવૂડ ખાતે રહે છે.પરંતુ કોઈએ કલ્પના પણ ન કરી હતી કે એક સમયે તેમને તેમના જ સ્ટેચ્યુની નીચે ઊંઘવુ પડશે..! 

આર્નોલ્ડની આવી હાલત કેમ થઈ
વાયરલ મેસેજમાં લખવામાં આવે છે કે આર્નોલ્ડ વર્ષ 2003થી 2010 સુધી કેલિફોર્નિયાના ગવર્નર પદે હતા ત્યારે તસવીરમાં દેખાય છે તે પોતાના સ્ટેચ્યુની સામે જ આવેલી હોટેલનું તેમણે ઉદઘાટન કર્યું હતું. ત્યારે હોટેલ સંચાલકોએ તેમની પ્રશસ્તિ કરતા એવું કહ્યું હતું કે આપના માટે આ હોટેલના દરવાજા હંમેશા ખુલ્લા છે. તેમજ એક રૂમ તમારા માટે રિઝર્વડ રહેશે.'  પરંતુ જ્યારે આર્નોલ્ડે ગવર્નર પદ છોડયું અને તે હોટેલમાં ગયા ત્યારે તમામ રૂમ બુક હતા. વ્યથિત થઈ ઉઠેલા આર્નોલ્ડ એક પાથરણું લઈ આવ્યા અને હોટેલની સામે મુકાયેલા પોતાના જ સ્ટેચ્યુની નીચે સુઈ ગયા. અને લોકોને બતાવ્યું કે પદ નથી ત્યારે હોટેલ સંચાલકો તેમનું વચન ભુલી ગયા. 

શું કમેન્ટ કરવામાં આવી રહી છે
વાયરલ થઈ રહેલા મેસેજની સાથે લોકો કોમેન્ટ કરી રહ્યા છે કે જુઓ આર્નોલ્ડ તેમના જ સ્ટેચ્યુની નીચે સુઈ રહ્યા છે.. તો ડેવિડ નામના ટ્વિટર પેજ પર કોમેન્ટ કરવામાં આવી કે તેમને ઘરમાં કાઢી મુકવામાં આવ્યા હશે.. તો આ સાથે અન્ય એક ટ્વિટ બતાવી દઈએ કે જેમાં પણ આજ કોમેન્ટ હતી કે સમય કેવી રીતે બદલાઈ જાય છે.પરંતુ વાયરલ તસવીરને ઘણા લોકો શંકા પણ વ્યક્ત કરી રહ્યા છે. 

તેમજ વાયરલ મેસેજ સાચું છે કે નહીં.આ સાથે જે તસવીર જોવા મળી રહી છે તે સાચી છે કે નહીં તે જાણવાનો પ્રયાસ કરી રહ્યા છે.હવે સવાલ એ છે કે શું વાસ્તવમાં આર્નોલ્ડને તેમના જ સ્ટેચ્યુની નીચે ઊંઘવાનો વારો આવ્યો હતો? શું આર્નોલ્ડના સ્ટેચ્યુની સામે કોઈ હોટેલ આવેલું છે? શું આર્નોલ્ડને વાસ્તવમાં કોઈ રૂમ મળ્યું ન હતું? શું પદ પર ન રહેતા તેમની અવગણના કરવામાં આવી? વાયરલ મેસેજ સાચો છે કે ખોટો?

વાયરલ થઈ રહેલા આ મેસેજ તેમજ તસવીરની પડતાલ હાથ ધરવામાં આવી હતી અને સૌ પ્રથમ અમે આ તસવીરનો ઝીણવટભર્યો અભયાસ હાથ ધર્યો હતો... વાયરલ તસવીરમાં આર્નોલ્ડ લીલા રંગનું પાથરણું ઓઢીને ઊંઘી રહ્યા છે તો આ સાથે પાછળ સ્ટેચ્યુ જોવા મળી રહ્યું છે. જેની નીચે આર્નોલ્ડ લખવામાં આવ્યું છે. સ્ટેચ્યુની પાછળ એક વૃક્ષ આવેલું જે જોઈ શકાય છે.હવે તેની પણ પાછળ જોઈએ તો એક ઈમારત જોવા મળી રહી છે જે હોટેલ હોવાનો દાવો કરવામાં આવી રહ્યો છે. જેની દિવાલ પર એન્ટ્રન્સ લખવામાં આવ્યું છે.

દરેક બાબતોની નોંધ લેવામાં આવી હતી અને આખરે સ્ટેચ્યુની તપાસ હાથ ધરી જે કેલિફોર્નિયામાં મુકવામાં આવ્યું છે. ઓરિજીનીલ તસવીરમાં આવી કોઈ બાબતો છે કે નહીં તેની તપાસ કરી હતી.. જે બાદ આખરે ઈન્ટરનેટ પર સર્ચ કરતા અમને આર્નોલ્ડના સ્ટેચ્યુની એ તસવીરો જોવા મળી.જેમાં અમુક લોકો આર્નોલ્ડ સાથે તસવીર પડાવી રહ્યા છે.. હવે એક બાદ એક ઓરિજીનલ તસવીર અને વાયરલ તસવીરની સરખામણી કરવામાં આવી હતી. જેમાં સૌ પ્રથમ તો આર્નોલ્ડની ઓરિજીનલ તસવીરમાં સ્ટેચ્યુની પાછળ એક વૃક્ષ જોવા મળ્યું ન હતું.તેમજ તેની પાછળ જોવા જઈએ તો લીલા ઘાસનું મેદાન જોવા મળી રહ્યું છે. અને ત્યરબાદ એ જાણવાનો પ્રયાસ કરાયો કે અહીં કોઈ હોટેલ છે કે નહીં પરંતુ આપ જોઈ શકો છે કે સ્ટેચ્યુની પાછળ કોઈ હોટેલ નથી આવેલું. તેમજ વાયરલ તસવીર અને ઓરિજીનલ સ્ટેચ્યુની તસવીર એકદમ જ અલગ છે જે નરી આંખે જોઈ શકાય છે. 

આ મેસેજ ખોટો સાબિત થયો છે.. તેમજ આર્નોલ્ડને ક્યારેય પણ આવી રીતે તેમના જ સ્ટેચ્યુની નીચે ઊંઘવાનો વારો આવ્યો નથી.. જોકે આ તસવીરને લઈને લોકો એક મેસેજ આપવાનો પ્રયાસ કરી રહ્યા છે કે સમય બળવાન છે.. અને આ વાક્યની સત્યતામાં કોઈ શંકા નથી.. પરંતુ જે દાવો કરવામાં આવી રહ્યો છે તે ખોટો છે..