અમદાવાદ: ગુજરાત વિધાનસભાની ચૂંટણી માટે આજ સવારથી મતદાન આપવાનું શરૂ થઇ ગયું છે. મતદારો દ્વારા મત આપવાનું ચાલુ છે. જે હેઠળ 19 જિલ્લાની 89 સીટો પર વોટ નાંખવામાં આવી રહ્યા છે. ત્યારે ગુજરાતનું એક એવું ગામ છે જ્યાં 100 ટકા મતદાન થયું છે. સોમનાથ જિલ્લાના બાનેજ ગામમાં એકમાત્ર વોટર માટે પોલિંગ બૂથ બનાવવામાં આવ્યું હતું.
જણાવી દઇએ કે બાનેજ ગામ ગિરના જંગલોની વચ્ચે ઐતિહાસિક તીર્થ સ્થળ છે. આ જાણીતી ગિર સેન્ચુરીની અંદર આવે છે. ગામમાં બનેશ્વર મહાદેવ મંદિરના એક પૂજારી મહંત ભારતદાસ ગુરુ દર્શન છે જે બાનેજ ગામના એકમાત્ર વોટર છે અને આજે વોટ આપ્યો હતો.
ઉલ્લેખનીય છે કે માત્ર એક વોટર માટે ચૂંટણી પંચ વર્ષ 2002થી અહીંયા પોલિંગ બૂથ લગાવવામાં આવી રહ્યું છે. આ વખતે પણ ખાસ મતદાતા માટે 5 ચૂંટણી અધિકારી અને કર્મચારી આખો દિવસ તૈનાત રહેશે કારણ કે મહંત ભારતદાસ પોતાના મતાધિકારનો પ્રયોગ કરી શકે.