રાજકોટ આરોગ્ય વિભાગ દ્વારા છેલ્લા 15 દિવસથી શહેરની નામાંકિંત હોટેલ - રેસ્ટોરન્ટ પર દરોડાની કાર્યવાહી યથાવત્ રાખી છે. ત્યારે કાલાવડ રોડ પર આવેલ ડોમિનોઝ પીઝા સેન્ટર અને રિયલ પેપ્રીકા રેસ્ટોરન્ટમાં દરોડાની કામગીરી હાથ ધરાઇ હતી બંને રેસ્ટોરન્ટ માંથી વાસી રાંધેલો ખોરાક વાસી બ્રેડ પીઝા સડેલા શાકભાજી સહિતની અખાદ્ય સામગ્રી મળી આવી હતી.
રિયલ પેપ્રીકા રેસ્ટોરન્ટમાંથી 166 કિલો અખાદ્ય જથ્થો નાશ કરાયો હતો. બંને હોટેલમાં અન હાઈજેનીક કન્સિડશન અંગે નોટિસ પણ ફટકારવામાં આવી છે. અને આગામી 4 દિવસમાં જો આરોગ્યને લઈને કોઈ તકેદારી નહિ રાખવામાં આવે તો હોટેલ સીલ કરવાની કામગીરી પણ આરોગ્ય વિભાગ દ્વારા કરવામાં આવશે.