કેન્યામાં વધુ એક ગુજરાતી યુવકની ગોળી મારી હત્યા

ખેડાઃ કેન્યામાં વધુ એક ગુજરાતીની ગોળી મારી હત્યા કરવાની ઘટના સામે આવી છે. મૂળ નડિયાદના નરસંડાના વતની અલ્પેશ પટેલને લૂંટના ઈરાદે કેન્યાના એલટોરેકમાં ગોળી ધરબી દેવામાં આવી હતી. અલટોરેકમાં દુકાનેથી ઘર તરફ પરત ફરતી વખતે 4 લૂંટારું શખસોએ હત્યા કરી નાખી હતી. અલ્પેશ પટેલની હત્યાથી નરસંડા ગામમાં શોકની લાગણી ફરી વળી હતી.

બે કે ત્રણ વર્ષ અગાઉ આજ રીતે અલ્પેશભાઈના મોટાભાઈ સંજયભાઈની પણ ગોળી મારી હત્યા કરવામાં આવી હતી. જ્યારબાદ પરિવારની સંપૂર્ણ જવાબદારી અલ્પેશભાઈ પર હતી. સંજયભાઈના બે સંતાનો તેમના પત્ની અલ્પેશભાઈના પત્ની તથા તેમના બે પુત્રો સાથેના સંપૂર્ણ પરિવારની જવાબદારી અલ્પેશભાઈના શીરે હતી. ત્યારે અલ્પેશભાઈના મોતને પગલે પરિવાર ભાંગી પડયો છે.