રાજ્યમાં આજે જિલ્લા પંચાયત અને તાલુકા પંચાયતની ચૂંટણી માટે મતદાન શરૂ થઇ ચૂક્યું છે.2 જિલ્લા પંચાયત અને 17 તાલુકા પંચાયતની ચૂંટણી માટે મતદાન યોજાવાનું છે.તો 5 જિલ્લા પંચાયત અને 24 તાલુકા પંચાયતની પેટા ચૂંટણી પણ યોજાવાની છે.2 જિલ્લા પંચાયત પર કુલ 273 જેટલા ઉમેદવાર મેદાનમાં છે તો 17 તાલુકા પંચાયતમાં 1005 જેટલા ઉમેદવાર મેદાનમાં છે.આ તરફ આજે મતદાન શરૂ થયું છે જે માટે ચૂંટણી કમિશને તમામ તૈયારીઓ પૂર્ણ કરી લીધી છે.
ઉલ્લેખનીય છે કે બનાસકાંઠાના થરાદમાં જિલ્લા અને તાલુકા પંચાયતની ચૂંટણી યોજાઈ છે.સાંજે 5 વાગ્યા સુધી મતદાન યોજાશે.આ દરમિયાન કોઈ અનિચ્છનિય બનાવ ન બને તે માટે તંત્ર દ્વારા ચૂસ્ત બંદોબસ્ત ગોઠવી દેવામાં આવ્યો છે તો આ તરફ બનાસકાંઠાના પાલનપુરમાં પણ તાલુકા અને જિલ્લા પંચાયતની ચૂંટણી માટે મતદાન યોજાયુ છે.
બનાસકાંઠા જિલ્લાની તમામ 14 તાલુકા પંચાયતની ચૂંટણી યોજવામાં આવી છે.મતદાનને લઈને મતદારોમાં ભારે ઉત્સાહ જોવા મળી રહ્યો છે.સવારથી જ મતદાન મથકો પર લોકોની લાંબી લાઈનો જોવા મળી રહી છે.ત્યારે કાંકરેજના ભાજપના ધારાસભ્ય કીર્તિસિંહ વાઘેલાએ પોતાના મતાધિકારનો ઉપયોગ કર્યો છે.કાંકરેજના ખરિયા ગામમાં કીર્તિસિંહ વાઘેલાએ મતદાન કર્યું છે.
આ તરફ સૌરાષ્ટ્રના અમરેલીની 4 તાલુકા પંચાયતની બેઠક પર પણ મતદાન યોજવામાં આવ્યુ છે.અમરેલીની ધારી તાલુકા પંચાયતની ડિટલા વીરપુર ગોપાલગ્રામની બેઠક પર મતદાન યોજવામાં આવ્યુ છે.કુકાવાવ તાલુકા પંચાયતની સનાણી બેઠક પર પણ મતદાન યોજવામાં આવ્યુ છે.