ગાંધીનગર: ગુજરાત પ્રદેશ કોંગ્રેસ સમિતિના પ્રમુખનો આજે જન્મદિવસ છે. પ્રદેશ પ્રમુખ ભરતસિંહ સોલંકીનો આજે 64મો જન્મદિવસ છે. કાર્યકર્તાઓ નેતાઓ ભરતસિંહ સોલંકીને શુભેચ્છાઓ પાઠવી હતી.
નોંધનીય છે કે ગુજરાત પ્રદેશ કોંગ્રેસ સિમિતના 25માં પ્રમુખ છે. તેમણે વર્ષ 2004થી 2014 સુધી ગુજરાત રાજ્યના આણંદ સંસદીય મતવિસ્તારનું પ્રતિનિધિત્વ કર્યું હતું. ભરતસિંહ સોલંકી યુપીએ-૨ સરકાર દરમિયાન કેબિનેટમાં પેયજળ અને સેનિટેશન મંત્રી પણ રહી ચુક્યા છે. આ અગાઉ તેઓ કેન્દ્રની યુપીએ સરકારમાં રાજ્ય કક્ષાના ઉર્જામંત્રી રહી ચુક્યા છે. તેઓ વર્ષ ૨૦૦૪ થી ૨૦૦૬ દરમિયાન ઓલ ઇન્ડિયા કોંગ્રેસ કમિટીના જનરલ સેક્રેટરી પણ રહી ચુક્યા છે.
૨૦૦૪ અને ૨૦૦૯માં બે વખત આણંદ લોક સભાની બેઠક જીત્યા બાદ ૨૦૧૪માં તેઓ ભાજપના દિલિપભાઇ પટેલ સામે ચૂંટણીમાં હારી ગયા હતા.
ગુજરાત પ્રદેશ કોંગ્રેસ સમિતિના પ્રમુખનો આજે જન્મદિવસ