ભાજપમાં હાર્દિક પટેલ સામે વિરોધ જોવા મળી રહ્યો છે. પાટણ ભાજપ દ્વારા હાર્દિક પટેલનું પૂતળા દહન કરવામાં આવ્યું છે. શહેરનાં સુભાષ ચોક વિસ્તારમાં પૂતળા દહન કરવામાં આવ્યું છે. તો પૂતળા દહન દરમિયાન ભાજપનાં કાર્યકરો અને પાટીદાર યુવાનો વચ્ચે ઝપાઝપીનાં દ્રશ્યો પણ સર્જાયા હતાં.
બીજી તરફ આ સમગ્ર ઘટનાક્રમ સર્જાયો ત્યારે પોલીસની કામગીરી શંકાનાં દાયરામાં આવી હતી. પોલીસ સમગ્ર ઘટના દરમિયાન મુક પ્રેક્ષક બનીને જોઈ રહી હતી અને આ બાજુ બન્ને પક્ષનાં કાર્યકરો ઝપાઝપી કરી રહ્યાં હતાં.
ઉલ્લેખનીય છે કે કોંગ્રેસને સમર્થન આપવાના હાર્દિક પટેલના નિવેદન બાદ પાટીદારો દ્વારા સતત તેનો વિરોધ કરવામા આવ્યો. સુરત બાદ ભાવનગરમા પણ હાર્દિકનો પાટીદાર સમાજ દ્વારા રસ્તા પર ઉતરીને સૂત્રોચ્ચાર સાથે વિરોધ કરવામા આવ્યો તો સાથે જ હાર્દિકના પૂતળાનુ દહન કરવામા આવ્યું.
આ ઘટનાની જાણ થતા પાસમા આગેવાનો ઘોઘા પોલીસ સ્ટેશન પહોંચી પૂતળા દહન કરનાર સામે ફરિયાદ નોંધાવી હતી.
ઉલ્લેખનિય છે કે અનામતની માંગણી સાથે આંદોલન કરનાર હાર્દિક પટેલે રાજકારણમા પ્રવેશ કરાવા પાટીદાર સમાજને હાથો બનાવી પાટીદાર સમાજના લોકો સાથે વિશ્વાસધાત કરતા અને કોગ્રેસને સમર્થન આપતા પાટીદાર સમાજના લોકોમા રોષ જોવા મળ્યો હતો.
નોંઘનીય છે કે સમગ્ર ગુજરાતમાં અને દેશભરમાં પાટીદાર આંદોલનને લીધે હીરો બની બેઠેલા હાર્દિક પટેલનો પાટીદારો પણ સાથ છોડી રહ્યા છે. ચોતરફથી હાર્દિક ટીકાન સામનો કરી રહ્યો છે. ત્યારે ફરી એક વખત પાટીદાર સમાજ દ્વારા ભાવનગરમાં રસ્તા પર ઊતરીને સૂત્ર્ત્રોચાર સાથે વિરોધ કરવામાં આવ્યો.