ભાજપ દ્વારા ઉમેદવારોની યાદી જાહેર થતાં જ ટિકિટ વંચિતોનો અસંતોષ સપાટી પર આવી ગયો છે. અમદાવાદ જિલ્લાની દક્રોઈ બેઠક પર બાબુ જમનાને ટિકિટ અપતાં કાર્યકરોએ તેનો વિરોધ નોંધાવ્યો હતો.
બાબુ જમનાના વિરોધમાં 150 લોકો ભાજપ કાર્યાલય ખાતે પહોંચ્યા હતા અને બાબુ જમના હટાવો ભાજપ બચાવોના સૂત્રોચ્ચાર કર્યા હતા. એટલું જ નહીં બાબુ જમનાના વિરોધમાં તાલુકા અને જિલ્લાના સભ્યોએ રાજીનામાં ધરી દીધા હતા.
ઉલ્લેખનીય છે કે ભાજપે આજે ગુજરાત વિધાનસભા ચૂંટણી માટે પોતાના પ્રથમ તબક્કાના 70 ઉમેદવારોના નામ જાહેર કર્યા હતા ત્યારબાદ કેટલીક જગ્યાએ સ્થાનિક વિસ્તારમાં આંતરીક અસંતોષ જોવા મળ્યો હતો.