નવસારી બેઠક માટે BJP એ પીયુષભાઈ દેસાઈ પર મહોર લગાવતા સમર્થકો ગેલમાં

નવસારી: સમગ્ર ગુજરાતમાં પાર્લામેન્ટ્રી બોર્ડ માટે નવસારી વિધાનસભાના મુરતિયાની પસંદગી ભારતીય જનતાપાર્ટી માટે માથાનાદુખાવા સમાન બની રહી છે.

આવતીકાલે ફોર્મ ભરવાની છેલ્લી તારીખ હોવા છતાં ઉમેદવારની પસંદગીની જાહેરાત ખુબ મોડી કરતા અનેક તર્ક-વિતર્કો ઉભા થયા હતા.

પરંતુ આખરે ગતટર્મમાં ધારાસભ્ય તરીકે રહી ચુકેલા પીયુષભાઈ દેસાઈ પર પસંદગીની મોહર મારતા સમર્થકો ઝૂમી ઉઠયા હતા અને દિવાળી જેવો માહોલ સર્જી દીધો હતો.

ઉલ્લેખનીય છે કે ગુજરાત વિધાનસભાની ચૂંટણીના પડઘમ ઠેર-ઠેર વાગવા લાગ્યા છે ત્યારે ગુજરાતના સત્તાધારી પક્ષ સહીત તમામ પક્ષો હરકતમાં આવી ગયા છે  અને પોત -પોતાના ઉમેદવારોની પસંદગી કરીને રાજકીય સોગઠાં ગોઠવી રહ્યા છે. 

ત્યારે ભાજપ અને કોંગ્રેસ માટે માથાંના દુખાવા સમાન નવસારીની બેઠક પર છેલ્લે ગત મોડી રાત સુધી ભાજપ અને કોંગ્રેસ દ્વારા ઉમેદવારોની પસંદગી નહિ કરી શકતા અંતે બહુ મોડી રાતે નવસારી  ભાજપના વરિષ્ઠ કાર્યકર્તા પિયુષ દેસાઈ પર મહોર લગાવી હતી.

અત્રે જણાવી દઈએ કે ભાજપ દવારા  આ ઉમેદવારની પસંદગી બાબતે  હજુ સુધી કોઈ સત્તાવાર જાહેરાત કરવામાં આવી નથી.તેમ છતાં આજે તેઓ સત્તાવાર રીતે જાહેર થઈને આજે ઉમેદવારી ફોર્મ ભરી શકે તેવા એંધાણ છે.