મતદાનને લઇને ફેમીલી વાતાવરણ પણ જોવા મળ્યુ છે.તમામ જગ્યાએ નવા રંગ દેખાઇ રહ્યા છે.યુવાઓથી લઇને વૃદ્ધાઓએ પોતાના મતાધિકારનો ઉપયોગ કર્યો હતો.તો અમદાવાદમાં પણ યંગસ્ટોરોએ મતદાન કર્યુ હતુ. અને પરિવાર સાથે સેલ્ફી લીધી હતી.
ઉલ્લેનીય છે ગુજરાત વિધાનસભાની ચુંટણીને લઇને આજે બીજા તબક્કાનું મતદાન ગુજરાતની 93 બેઠકો પર થયું હતું. આ સાથે આજે સવારેથી જ ગુજરાતના વિવિધ સ્થળો પર મતદાન યોજાયું હતુ. જો કે દર વખત કરતા આ વખતે મતદાનને લઇને પ્રજામાં વધુ જાગૃતિ જોવા મળી હતી. અને મોટી સંખ્યામાં મતદારો મતદાન કરવા પોત-પોતાના વિસ્તારમા જઇ ચડ્યા હતા.
આ સાથે પ્રથમ વાર મતદાન કરનાર યુવા મતદાતાઓમાં મતદાનને લઇને ખાસ ઉમંગ જોવા મળ્યો હતો. યુવાન મતદાતાઓએ મતદાન કરીને ભારતના નાગરિક તરીકેની ફરજ નિભીવી હતી. સાથો-સાથો મતદાન કરીને પોતાની એક સેલ્ફી લઇ સોશ્યલ મીડિયા પર અપલોડ કરી હતી. અને LIKES અને COMMENTS મેળવ્યા હતા.
અત્રે જણાવી દઇએ કે મતદાન અંગેની જાગૃતિ આવે તે માટે ગુજરાતની જાણીતી ચેનલ VTV એ એક સેલ્ફી અભિયાન ચલાવ્યુ હતું તેને બહોળી સંખ્યામા પ્રતિસાદ પ્રાપ્ત થયો હતો અને મતદાન અંગે લોકજાગૃતિ આવી હતી.