કોંગ્રેસ ઉપાધ્યક્ષ રાહુલ ગાંધી વધુ એક વખત ગુજરાતની મુલાકાતે આવી રહ્યા છે.મળતી માહિતી પ્રમાણે 24 નવેમ્બરના રાહુલ ગાંધી અમદાવાદ આવી રહ્યા છે.
અમદાવાદ ખાતે રાહુલ ગાંધી ભવ્ય રોડ શો પણ યોજવાના છે.તો કોંગ્રેસના કાર્યકર્તાઓ સાથે બેઠક યોજી ચૂંટણી અંગે ચર્ચા વિચારણા પણ કરી શકે છે.
કોંગ્રેસના ઉપાધ્યક્ષ રાહુલ ગાંધી આગામી દિવસોમાં ફરીએકવાર ગુજરાતના પ્રવાસે આવવાના હોઈ અમદાવાદ ખાતે તેમના આગમનને લઈને તડામાર તૈયારીઓ ગુજરાત કોંગ્રેસ દવારા કરવામાં આવી રહી છે.
ઉલ્લેખનીય છે કે ગુજરાતમાં હાલ વિધાનસભાની ચૂંટણીનો માહોલ છે ત્યારે વિવિધ પક્ષોના રાષ્ટ્રીય નેતા ગુજરાતના પ્રવાસે આવી રહ્યા છે ત્યારે આ વખતે કોંગ્રેસે પોતાના સ્ટાર પ્રચારક તરીકે રાહુલ ગાંધીને મેદાનમાં ઉતાર્યા છે.
આગામી 24 તારીખના રોજ અમદાવાદની એકદિવસીય મુલાકાતે આવી રહેલા કોંગ્રેસના રાષ્ટ્રીય ઉપાધ્યક્ષ રાહુલ ગાંધી અમદાવાદ ખાતે મોટો રોડ શો યોજવાના છે.
છેલ્લા કેટલાક સમયથી ગુજરાતની મુલાકાતે વારંવાર આવી રહેલા રાહુલ ગાંધીએ ગુજરાતનાં મધ્ય ગુજરાતદક્ષિણ ગુજરાત તેમજ ઉત્તર ગુજરાત અને સૌરાષ્ટ્રમાં પણ ચૂંટણી પ્રવાસ ખેડીને જાહેરસભાઓ યોજીને કોંગ્રેસ તરફ ઘણો ભારે લોકજુવાળ ઉભો થયો હતો.
પરંતુ આ વખતે ફરી ગુજરાતમાં તેમના પ્રચારની સફળતાને બાદ હજુ વધુ એક વખત તેમને ગુજરાતમાં અમદાવાદ આવવાનું મન બનાવી લીધું છે.જોકે હવે સમય જ કહેશે કે આ વખતે ગુજરાત વિધાનસભાની ચૂંટણીમાં કયો પક્ષ ઉભરી આવે છે.