રાજકોટ: મુખ્યમંત્રી વિજય રૂપાણી સહિતની ભાજપના ઉમેદવારોએ આજે પોતાની ઉમેદવારી નોંધાવી છે.ત્યારે ચમામ નેતાઓની મિલકતો પણ જાહેર થઈ છે.
મુખ્યમંત્રી વિજય રૂપાણીએ પોતાના ચૂંટણી ફોર્મમાં દર્શાવેલી યાદી અંગે જો વાત કરવામાં આવે તો હાલ મુખ્યમંત્રી વિજય રૂપાણી પાસે કુલ 3.45 કરોડની મિલકત છે.
જ્યારે તેમના પત્ની પાસે કુલ 1.97 કરોડની મિલકત છે. CM રૂપાણીની આ પહેલાની 2014ની મિલકત અંગે જો વાત કરીએ તો 2014માં CM રૂપાણી પાસે કુલ જંગમ મિલકત 2.65 કરોડ રૂપીયા હતી.
જ્યારે કુલ સ્થાવર મિલકત 1.23 કરોડ રૂપિયા હતી.. જ્યારે તેમના પત્ની અંજલિ રૂપાણી પાસે કુલ જંગમ મિલકત 1.46 કરોડ અને સ્થાવર મિલકત 1.86 કરોડ રૂપિયાની હતી..
જ્યારે મુખ્યમંત્રી વિજય રૂપાણી સામે કોંગ્રસમાંથી ઈદ્રનીલ રાજ્યગુરુએ ઉમેદવારી નોંધાવી છે. ઈદ્રનીલ રાજ્યગુરુ કોંગ્રેસના મજબુદ ઉમેદવાર હોવાની સાથે-સાથે સારીએવી મિલકત પણ ધરાવે છે.
ચૂંટણી ફોર્મમાં ઈદ્રનીલ રાજ્યગુરુની દર્શાવાયેલી મિલકત અંગે જો વાત કરવામાં આવે તો ચૂંટણી ફોર્મમાં રાજ્યગુરુએ 141 કરોડની મિલકત દર્શાવી છે.
આ પહેલા 2012માં તેમની મિલકત 122 કરોડ રૂપિયા દર્શાવાય હતી.. એટલે કે 5 વર્ષમાં રાજ્યગુરુની મિલકતમાં 19 કરોડનો વધારોથયો છે.