પ્રથમ તબક્કાની ચૂંટણીના આજે શ્રી ગણેશઃ જીતુ વાઘાણી પરિવાર સાથે મતદાન કરવા પહોંચ્યા

ભાવનગરઃ ગુજરાત વિધાનસભાની પ્રથમ તબક્કાની ચૂંટણીના આજે શ્રી ગણેશ થયા છે. વહેલી સવારથી જ મતદારોમાં અનેરી ખુશીનો માહોલ સર્જાયો છે. ત્યારે ભાવનગરમાં મતદાન શરૂ થઇ ગયું હતું. જીતુ વાઘાણી મંદિરમાં પૂજા કરીને પરિવાર સાથે મતદાન કરવા પહોંચ્યા હતા. 

મહત્વનું છે કે ભાજપના પ્રદેશ અધ્યક્ષ જીતુ વાઘાણીએ ભાવનગરમાં મતદાન પૂર્વે પૂજા અર્ચના કરી. એક તરફ મતદાન શરૂ થઈ ગયું છે. ત્યારે મતદાન પૂર્વે જીતુ વાઘાણીએ સૂર્યનારાયણની પૂજા અર્ચના કરીને મંદિરમાં દર્શન પણ કર્યા.

ઉલ્લેખનીય છે કે મુખ્યમંત્રી વિજય રૂપાણીએ પરિવાર સાથે રાજકોટ પશ્ચિમ બેઠક પર મતદાન કર્યું છે. વિજય રૂપાણીએ પોતાનો મહત્વનો મત આપ્યો અને મતાધિકારનો ઉપયોગ કર્યો છે. આ સાથે જ વિજય રૂપાણીએ લોકોને અપીલ કરી કે વધુમાં વધુ મતદાન કરો.

સાથે જ વિજય રૂપાણીએ જીતનો પણ વિશ્વાસ વ્યક્ત કર્યો છે. મહત્વનું છે કે વિજય રૂપાણી રાજકોટની પશ્ચિ બેઠક પર ચૂંટણી લડી રહ્યા છે. કોંગ્રેસમાંથી ઈદ્રનિલ રાજ્યગુરુ વિજય રૂપાણી સામે લડી રહ્યા છે.