અમદાવાદ: આજે પ્રથમ તબક્કાની ચૂંટણીના ફોર્મ ભરવાનો છેલ્લો દિવસ છે. પ્રથમ તબક્કા ની 89 બેઠકો માટે 399 ફોર્મ ભરાયા છે. પ્રથમ તબક્કાની ચૂંટણી માટે 9 ડિસેમ્બરે મતદાન છે. ત્યારે આજે ભાજપના રિપીટ મંત્રી અને ધારાસભ્યો તથા કોંગ્રેસના ઉમેદવારો ચુંટણી ફોર્મ ભરશે.
ઉલ્લેખનીય છે કે અપક્ષમાંથી કુલ 90 ઉમેદવારેએ ફોર્મ ભર્યા છે. ગુજરાતમાં કચ્છ સૌરાષ્ટ્ર-દક્ષિણ ગુજરાતની ૮૯ બેઠકો માટે ૯મી ડિસેમ્બરે ચૂંટણી યોજાનાર છે. આ પ્રથમ તબક્કાની ચૂંટણી માટે ફોર્મ ભરવાનો સિલસીલો શરૃ થયો છે.
કચ્છ સૌરાષ્ટ્રની મોટાભાગની પ્રત્યેક બેઠક પર સરેરાશ ૮ ફોર્મ ભરાયાં હતાં. રાજકોટ ગ્રામ્ય ઉત્તર-દક્ષિણમાં કુલ મળીને ૨૨ ફોર્મ ભરાયાં હતાં જયારે જામનગર ગ્રામ્ય ઉત્તર-દક્ષિણમાં કુલ ૨૮ ઉમેદવારોએ દાવેદારી કરી હતી. આવતીકાલે ફોર્મ ભરવાનો આખરી દિવસ હોવાથી વધુ ફોર્મ ભરાય તેવી સંભાવના છે.
આજે દિવસભર ઉમેદવારોએ સમર્થકોની સાથે જઇને દાવેદારી નોંધાવી હતી. આ વખતે કોમ્યુનિસ્ટ પાર્ટી ઓફ ઇન્ડિયા સમાજવાદી પાર્ટી શીવસેના બહુજન સમાજ પક્ષ આમ આદમી પાર્ટી સોશિયલ યુનિટિ સેન્ટર ઓફ ઇન્ડિયા આપણી સરકાર પાર્ટી રાષ્ટ્રીય જનતાપાર્ટી બહુજન મુક્તિપાર્ટી સહિત ઘણાં રાજકીય પક્ષોના ઉમેદવારોએ ચૂંટણી મેદાને ઝૂકાવ્યું છે.
સામાન્ય રીતે ચૂંટણીમાં નજીવા માર્જીનથી હારજીત થતી હોવાથી અપક્ષોનો રાફડો ફાટતાં ખાસ કરીને ભાજપ-કોંગ્રેસના ઉમેદવારોની ચિંતા વધી છે. અપક્ષોને ચૂંટણી મેદાને હટાવવા ભાજપ-કોંગ્રેસના ઉમેદવારો માટે મુશ્કેલભર્યુ બની રહેશે.