આવતીકાલે ગુજરાત કોંગ્રેસની બેઠકોનો દોર ચાલશે ચૂંટણીની રણનીતિ અંગે થશે ચર્ચા

અમદાવાદ: સ્થાનિક સ્વરાજયની ચૂંટણીને લઇને કોંગ્રેસમાં બેઠકોનો દોર શરૂ થઇ રહ્યો છે. ત્યારે આવતીકાલે 11:30 વાગ્યે પરેશ ધાનાણી પત્રકાર પરિષદ સંબોધશે. 

મળતી માહિતી અનુસાર આ બેઠક આવતીકાલે બપોરે 2 વાગ્યે યોજાનાર છે. ભરતસિંહ સોલંકી પત્રકાર પરિષદમાં હાજર રહેશે. બેઠકમાં સ્થાનિક સ્વરાજયની ચૂંટણીની તૈયારીને લઇને ચર્ચા થશે. નગરપાલિકા તાલુકા પંચાયતની ચૂંટણીની રણનીતિ અંગે ચર્ચા થશે. ધારાસભ્યોને  જવાબદારી સોંપવા અને ઉમેદવારોની પસંદગી અંગે ચર્ચા કરવામાં આવશે. 

આ ઉપરાંત 4 વાગ્યે પદાધિકારીઓની બેઠક મળશે. જેમાં ખેડૂત અને યુવાલક્ષી કાર્યક્રમો અંગે ચર્ચા થશે. ઉલ્લેખનીય છે કે પરેશ ધાનાણી વિરોધ પક્ષના નેતા તરીકે 19 જાન્યુઆરીએ ચાર્જ સંભાળશે.