ગુજરાતની વિધાનસભા ચૂંટણી જંગમાં રાજકારણીઓનો બાળપ્રેમ સવિશેષ જોવા મળી રહ્યો છે. પછી ભલે એ નરેન્દ્રમોદી ઝેડ પ્લસ સકિયુરિટી તોડીને કોઈ બાળકને રમાડે છે કે પછી કોંગ્રેસના યુવરાજ રાહુલ ગાંધી જેઓ આ વખતના મોટા ભાગના પ્રચારમાં નાના બાળકો સાથે સંવાદ કરતા જોવા મળ્યા હતા.
જોકે આ વખતે કેન્દ્રીય પ્રધાન સ્મૃતિ ઈરાની નો બાળપ્રેમ જોવા મળ્યો હતો. તેમણે તો એક બાળકને કેડ માં લઇ ભાષણ આપ્યું હતું.
આ નઝારો વલસાડમાં જોવા મળ્યો હતો. કેન્દ્રીય પ્રધાન સ્મૃતિ ઈરાની વલસાડની મુલાકાતે હતા. જ્યા તેઓ એ શહેરના મોગરાવાડી વિસ્તારમા એક જાહેર સભા સંબોધી હતી.
જેમા વલસાડ બેઠકના ભાજપના ઉમેદવાર ભરત પટેલસહિત મોટી સંખ્યા મા ભાજપના અગ્રણીઓ અને કાર્યકર્તાઓ અને લોકો પણ મોટી સંખ્યામા ઉપસ્થિત રહ્યા હતા.
આ સભા મા સ્મૃતિ ઈરાની એ એક બાળક ને તેડિ ને સંબોધન કરતા લોકો પણ અચંબિત થઈ ગયા હતા. પોતાના સંબોધનમા સ્મૃતિ ઈરાનીએ અનેક મુદ્દે કોંગ્રેસ અને રાહુલ પર પ્રહાર કર્યા હતા. આમ વલસાડની સભામા બાળકને તેડિને સ્મૃતિએ કરેલ સંબોધન ની લોકો એ સરાહના કરી હતી ..