અમદાવાદ: ગુજરાત વિધાનસભાની ચૂંટણી પૂર્ણ થઇ ગઇ છે. ત્યારે હવે જિલ્લા તંત્ર દ્વારા ચૂંટણીમાં ઉપયોગમાં લેવાયેલા ઇવીએમ અને વીવીપેટને મોડી રાત સુધીમાં મત ગણતરી સ્થળ પર ઊભા કરાયેલા સ્ટ્રોંગ રૂમમાં જમા કરી દેવાયાં છે.
ઇવીએમમાં પડેલા પ્રત્યેક મતની સાથે વીવીપેટની કાપલીની સરખામણી કરાશે. જિલ્લાની એકવીસ બેઠક હોઇ બેઠક દીઠ એક મતદાન મથક પ્રમાણે ર૧ મતદાન મથક માટે આ પ્રયોગ હાથ ધરાશે. જેના કારણે બપોરે બેથી અઢી વાગ્યાની આસપાસ પૂર્ણ થનારી ચૂંટણી પ્રક્રિયા અડધો કલાક વિલંબમાં મુકાઇ શકે છે.
હવે 18 ડિસેમ્બરે મતગણતરી હાથ ધરવામાં આવતા EVM VVPATને સુરક્ષિત સ્થળે ખસેડવામાં આવ્યા છે. શહેરની એલ.ડી. એન્જિનિયરીંગ કોલેજમાં EVM VVPATને રાખવામાં આવતા પોલીસનો ચુસ્ત બંદોબસ્ત ગોઠવવામાં આવ્યો છે. એલ.ડી. એન્જિનિયરિંગ કોલેજમાં મતગણતરી હાથ ધરવામાં આવશે. જેથી કોલેજની બહાર SRP BSFના પોલીસ જવાનો તૈનાત કરાયા છે.