નવી દિલ્હીઃ GST કાઉંસિલની બેઠક બોલાવવામાં આવી છે. આ બેઠકમાં GST કાઉંસિલ ઇ-બિલ લાગુ કરવાના શેડયૂલ અને ટેક્સ ચોરી અટકાવવા પર વિચાર કરવામાં આવશે.
નાણામંત્રી અરૂણ જેટલીની અધ્યક્ષતામાં આ બેઠક વીડિયો કોફ્રેંસિંગ દ્વારા કરવામાં આવશે. આ બેઠક મહત્વની માનવામાં આવી રહી છે. કારણ કે ઓક્ટોબર મહિનાની સરખામણીમાં GST રેવન્યૂ 12 હજાર કરોડ રૂપિયા ઘટયું છે. GST કાઉંસિલ GST ટેક્સ કલેક્શનમાં આવેલી ખામી પર રિવ્યૂ કરશે. ઓક્ટોબરમાં GST કલેક્શન 83 હજાર 346 કરોડ રૂપિયા રહ્યું.
જે પાછલા ત્રણ મહિનાના ટેક્સ કલેક્શનની સરખામણીમાં ઓછું છે. સપ્ટેમ્બરમાં ટેક્સ કલેક્શન 95 હજાર 131 કરોડ રૂપિયા થયા. બેઠકમાં સિસ્ટમ અને ટેક્સ ચોરીના ગેપને ઓછું કરવા અંગે ચર્ચા થશે. જેટલીએ હાલમાં જ કહ્યું હતું કે કાઉંસિલે ઇ-વે બિલનું શેડયૂલ તૈયાર કરી લીધું છે. જેથી ટેક્સ ચોરીને ચેક કરી શકાય.
શું છે ઇ-વે બિલ
50 હજારથી વધુ રકમની પ્રોડક્ટ માટે કરવી પડશે જાણ
રાજ્ય કે રાજ્યની બહાર ડિલીવરી માટે આપવી પડશે જાણકારી
પહેલા ઓનલાઇન રજિસ્ટ્રેશન દ્વારા જણાવવું પડશે
પ્રોડક્ટની ડિલીવરી માટે ઇ-વે બિલ જનરેટ કરવાનું રહેશે
જે 1થી 15 દિવસ સુધી માન્ય હશે
આ માન્યતા પ્રોડક્ટ લઇ જવાના અંતરના આધારે નક્કી થશે