સુરેન્દ્રનગરમાં GSPCની પાઇપલાઇન તૂટતા અધિકારીઓ દોડતા થયા છે.ગેસના ઉંચા ફુવારા થતાં અધિકારીઓમાં દોડધામ મચી જવા પામી હતી.તાત્કાલિક ગેસનો પ્રવાહ બંધ કરાતા જાનહાની ટળી હતી.મલાર ચોક વિસ્તારમાં ખોદકામ દરમિયાન આ ઘટના બની હતી.
ઉલ્લેખનીય છે કે શહેરના મલાર ચોક ખાતે રોડ બનાવવાની કામગીરી હાથ ધરવામાં આવી રહી છે ત્યારે આજ રોજ ત્યાં ગેસ લાઇન ફાટવાની ઘટના બનતા ગેસની છોળો ઉડવા પામી હતી.આ ઘટનાની જાણ ગેસ કંપનીને કરવામાં આવતા તેના અધિકારીઓ તાત્કાલિક અસરથી ઘટના સ્થળે આવી પહોંચ્યા હતા અને ગેસ પુરવઠો અટકાવી હોનારત થતાં અટકાવી હતી.