હાલના સમયમાં પત્રકારત્વમાં મહિલાઓનું હોવું એક સામાન્ય વાત છેપંરતુ એક સમય એવો હતો કે કોઈ મહિલા ફોટો પત્રકાર હોય તો તે ખૂબ જ આશ્ચર્યની વાત હતી. પરંતુ હોમી વ્યારાવાલાએ રૂઢિવાદી વિચારસરણીને પાછળ છોડીને ફોટો જર્નાલિઝમમાં કરિયર બનાવ્યુ અને આ રીતે ભારતની પહેલી ફોટો જર્નાલિસ્ટ બની ગઇ. આજે ગૂગલે હોમી વ્યારવાલાનો 104મો જન્મદિવસ ઉજવી રહ્યુ છે. જાણો તમે પણ હોમી વ્યારાવાલા વિશે...
1. 9 ડિસેમ્બર 1913 ગુજરાતના નવસારીના એક મધ્યમવર્ગીય પારસી પરિવારમાં જન્મેલા હોમી મુંબઈ જઈને ભણ્યા અને 1992માં બ્રિટિશ ઇન્ફોર્મેશન સર્વિસિઝમાં ફોટોગ્રાફર તરીકે કામ કરવાનું શરૂ કર્યું હતું.
2. 15 ઓગસ્ટ 1947ના રોજ લાલ કિલ્લામાં પહેલીવાર તિરંગો ફરક્યો ત્યારે હોમી પણ ત્યાં હાજર હતા.
3. 15 જાન્યુઆરી 2012ના રોજ વડોદરામાં પોતાના ઘરમાં જૈફ વયે તેમનું મોત થયું હતું.
4. ઉલ્લેખનીય છે કે 1938માં હોમીએ પ્રોફેશનલ ફોટોગ્રાફર તરીકે કારકિર્દીની શરૂઆત કરી હતી. તે સમયે આ ક્ષેત્રમાં પુરુષોનું પ્રભુત્વ હતું. જોકે હોમીએ આ ક્ષેત્રમાં સફળતા મેળવીને નવી જ દિશા ખોલી હતી.
5. એક ફોટોગ્રાફર તરીકે તેમણે 1938થી 1973 સુધી સફળતાપૂર્વક કામ કર્યું હતું.
6. હોમીનો ફેવરિટ વિષય ભારતના પહેલા પ્રધાનમંત્રી જવાહરલાલ નેહરૂ હતા. હોમીએ નેહરૂને કેટલીક યાદગાર ફોટોઝ પણ ક્લિક કરી હતી.
7. હોમી વ્યારાવાલાને 2011માં ભારત સરકાર દ્વારા પદ્મ વિભૂષણના સન્માનથી સમ્માનિત કરવામાં આવ્યા હતા. આજે તેમનો 104મો જન્મદિવસ હોય ગૂગલે તેમનૂં ડૂડલ બનાવીને સન્માનિત કર્યા છે. સાથે ગૂગલે તેમને 'ફર્સ્ટ લેડી ઓફ ધ લેંસ' તરીકે સન્માનિત કર્યા છે. આ ડૂડલ મુંબઈના સમીર કુલાવૂરે બનાવ્યું છે.