વૈશ્વિક નબળા સંકેતો અને ઘરેલુ જ્વેલર્સની માગના કારણે દિલ્હીના સરાફા બજારમાં સોનાની કિંમતોમાં ઘટાડો થયો છે. સોનાની કિંમત 150 રૂપિયા ઘટીને 30950 રૂપિયા પ્રતિ 10 ગ્રામ પર આવી ગઈ છે. આવી જ રીતે ચાંદીના ઈન્ડસ્ટ્રીયલ એકમો અને સિક્કા નિર્માતાઓ તરફથી ઓછી માંગના કારણે 40 000 રૂપિયા પ્રતિ કિલોથી નીચે આવી ગઈ છે.
વેપારીઓનું માનવું છે કે ઘરેલૂ જ્વેલર્સ તરફથી માંગ ઘટવાના કારણે આ ઘટાડો નોંધાયો છે. આ ઉપરાંત ડોલરમાં આવેલી તેજીના કારણે નબળા વૈશ્વિક સંકેતો જોવા મળ્યા છે. આ જ બધા કારણોને કારણે સોનાની કિંમતોમાં ઘટાડો નોંધાયો છે.
વૈશ્વિક સ્તર પર ન્યૂયોર્કમાં સોનું 0.85% નબળું પડીને 1326 ડોલર પ્રતિ ઔંસ અને ચાંદી 1.19 %નબળા પડીને 16.98 ડોલર પ્રતિ ઔંસના સ્તર પર આવી ગયા છે. આ ઉપરાંત રેકોર્ડ ઉંચાઈ પર રહેલા ઈક્વિટી બજારમાં ફંડ્સના હસ્તાંતરણના કારણે રોકાણકારોનું વલણ તેમાં ઓછું જોવા મળ્યું.
દેશની રાજધાની દિલ્હીમાં 99.9% અને 99.5% શુદ્ધતા વાળા સોનાની કિંમત 150 રૂપિયા ઘટીને ક્રમશઃ 30950 રૂપિયા અને 30800 રૂપિયા પ્રતિ 10 ગ્રામના સ્તર પર આવી ગઈ છે. જાણકારી માટે જણાવી દઈએ કે પાછલા 6 સત્રોમાં સોનાની કિંમતોમાં 625 રૂપિયા પ્રતિ 10 ગ્રામની તેજી જોવા મળી હતી. ગિન્નીના ભાવ જોકે 24800 રૂપિયા પ્રતિ આઠ ગ્રામના સ્તર પર સ્થિર છે.
આવી જ રીતે ચાંદીની કિંમતોમાં પણ ઘટાડો જોવા મળ્યો છે. ચાંદી 270 રૂપિયાના ઘટાડા સાથે 39800 રૂપિયા પ્રતિ કિલોગ્રામ અને સાપ્તાહિક આધારિત ડિલીવરી 365 રૂપિયા ઘટીને 38960 રૂપિયા પ્રતિ કિલોગ્રામના સ્તર પર આવી ગઈ છે.