સોનાની કિંમતોમાં મોટો ઘટાડો જાણો 10 ગ્રામ ગોલ્ડની કિમત..

દિલ્હીના સર્રાફા બજારમાં સોનાની કિંમતોમાં ઘટાડો નોંધાયો છે. કમજોર વૈશ્વિક સંકેત અને સ્થાનિક જ્વેલર્સ તરફથી ઘટતી માંગને કારણે સોનાના ભાવમાં ઘટાડો જોવા મળી રહ્યો છે. સોનાના ભાવ 350 રૂપિયા ઘટીને 30100 રૂપિયા પ્રતિ 10 ગ્રામના સ્તર પર આવી ગયા છે. જ્યારે સોનાની જેમ જ ચાંદીની કિંમતોમાં પણ નબળાઇ જોવા મળી છે. ચાંદી 41000 ના સ્તરથી નીચે ખસીને 40600 રૂપિયા કિલોગ્રામ થઇ ગઇ છે. ચાંદીના ભાવમાં આ ઘટાડો ઔદ્યોગિક યુનિટ્સ અને સિક્કા ઉત્પાદકો તરફ નબળા ઉછાળાના કારણે જોવા મળ્યો છે.

જો કે વેપારીઓનું માનવું છે કે કમજોર વૈશ્વિક સંકેત ઉપરાંત ઘરેલુ હાજર બજારમાં સ્થાનિક જ્વેલર્સ અને રિટેલર્સ તરફથી માંગમાં ઘટાડાને કારણે સોનાની કિંમતોમાં ઘટાડો જોવા મળ્યો છે. વૈશ્વિક સ્તર પર ન્યૂયોકમાં ગત સત્રમાં ગોલ્ડ 0.07 ટકાના ઘટાડાની સાથે 1308.06 ડોલર પ્રતિ ઔંસ અને ચાંદી 0.43 ટકાની કમજોરીની સાથે 17.35 ડોલર પ્રતિ ઔંસના સ્તર પર જોવામાં આવી છે. દેશની રાજધાની દિલ્હીમાં 99.9 ટકા અને 99.5 ટકા શુદ્વતાવાળા સોનાના 350 રૂપિયા ઘટીને ક્રમશ: 30100 અને 29950 રૂપિયા પ્રતિ 10 ગ્રામ થઇ ગયા છે. માહિતી માટે જણાવી દઇએ છેલ્લા સત્ર મંગળવારે સોનાના ભાવમાં 550 રૂપિયાની ઝડપથી જોવા મળી હતી. ગિની પણ 100 રૂપિયામાં કમજોર થઇને 24500 રૂપિયા દીઠ 8 ગ્રામ સ્તરે જોવા મળ્યો હતો..

સોનાની જેમ ચાંદીમાં પણ 500 રૂપિયાનો ઘટાડો થયો છે. જેના કારણે ચાંદી 40600 રૂપિયા પ્રતિ કિલોગ્રામ અને સાપ્તાહિક આધારિત ડિલિવરી 300 રૂપિયા ઘટીને 39600 રૂપિયા પ્રતિ કિલોગ્રામના સ્તર પર આવી ગઇ છે. ઓવરઓલ ટ્રેન્ડને જોતા ચાંદીના સિક્કાના ભાવમાં 1000 રૂપિયાથી ઘટીને  73 000 રૂપિયા લેવાની કિમત અને 74 000 રૂપિયા વેચવાની  કિંમતમાં પ્રતિ સેંકડાના સ્તર પર  આવી ગયો છે.