ટિમ ઇન્ડિયાના ખેલાડી ગૌતમ ગંભીરનો આજે જન્મદિવસ છે. આજે તેઓ 36 વર્ષના થયા. તેમનો જન્મ દિલ્હીમાં થયો હતો. બિઝનેશ ક્લાસ પરીવારમાંથી આવતા હોવા છતાં તેમને ક્રિકેટમાં વધુ રસ હતો. ગંભીરે પોતાની રમતની શરૂઆત માત્ર 10 વર્ષની ઉંમરથી કરી હતી. કારકિર્દીની શરૂઆતથી ધમાકેદાર પર્ફોરમન્સ આપનાર આ ભારતીય ખેલાડી સારા બેટ્સમેન છે. ક્રિકેટ સાથેના પોતના 14 વર્ષના કેરિયરમાં તેમણે કરેલ અભૂતપૂર્વ પ્રદાનને ક્રિકેટ ચાહકો આજે પણ ભૂલ્યા નથી. 2007 અને 2011 ના વર્લ્ડ કપમાં તેમણે કરેલ ખાસ પરફોર્મન્સ ને લોકોએ ખુબ વખાણ્યું છે.
ગૌતમ ગંભીરે અત્યાર સુધીમાં 242 જેટલી મેચ રમીને આશરે 10324 જેટલા રન બનાવ્યા છે. આ રમતમાં 20 સદી અને 56 જેટલી અડધી સદી ફટકારી હતી.જુલાઈ 2008થી 2011 સુધીમાં ભારતના આ ખેલાડીએ 9 સદી અને અને 19 જેટલી અર્ધસદી ફટાકરી હતી જે નોંધનીય બાબત છે. ટેસ્ટ સીરીઝમાં તેમણે 300 થી વધુ રન બનાવનાર ભારતનો એકમાત્ર ખેલાડી બન્યો હતો.
ઉલ્લેખનીય છે કે હાલ તો ગૌતમ ગંભીર ઇંડીયન ટીમમાંથી બહાર છે. ગૌતમ ગંભીર છેલ્લે 2012માં પાકિસ્તાન સામે યોજાયેલ T-20 મેચમાં જોવા મળ્યો હતો. હાલમાં તે આઇપીએલ રમે છે. ગૌતમ ગંભીર માત્ર ભારતીય ક્રિકેટના ખેલાડી જ નથી પરંતુ તે એક દેશભક્ત અને સમાજ સેવક તરીકે પણ જાણીતા છે.