ગાંધીનગરમાં કોલ્ડ સ્ટોરેજમાં ગેસગળતરની ઘટના સર્જાઇ હતી. માણસા નજીક કોલ્ડ સ્ટોરેજમાં એમોનીયા ગેસ લીકેજ થતા દોડધામ થઇ હતી.રીદરોલ ગામે બટાકાના કોલ્ડ સ્ટોરેજમાં ગેસગળતર ઘટના બની હતી.આ ઘટના સ્થળે ફાયર બ્રિગેડની ટીમ પહોંચી હતી.જેમાં એમોનીયા ગેસની અસર થતા બે પશુઓના મોત થયા હતાં. અને 4 લોકોને બચાવવામાં આવ્યા હતાં.
ઉલ્લેખનીય છે કે ગાંધીનગર નજીક આવેલ આ કોલ્ડ સ્ટોરેજમાં અચાનક એમોનીયા ગેસ લીક થતા સ્ટોરેજમાં રહેલા લોકોમાં થોડીવાર અફડાતફડીનો માહોલ જોવા મળ્યો હતો.
આ ઘટનાની જાણ નજીકના ફાયર સ્ટેશને કરવામાં આવતા ગણતરીની પળોમાં ફાયર ફાયટરો ઘટના સ્થળે આવી પહોંચ્યા હતા અને કોઇ જાનહાની ના થાય તેવા પ્રયાસો હાથ ધર્યા હતા.આપને જણાવી દઇએ કે આ ઘટના ક્યાં કારણોસર બની હતી તે હજુ જાણી શકાયું નથી.