ગાંધીનગરના કમલમમાં સ્થાનિક સ્વરાજ્યની ચૂંટણીને લઇને ચાલી રહેલી ભાજપની પાર્લામેન્ટરી બોર્ડની બેઠકનો આજે અંતિમ દિવસ છે. આજે બેઠકમાં 14 જિલ્લાઓને લઇને ચર્ચા થશે. આજે સૌરાષ્ટ્ર -કચ્છના તમામ જીલ્લાઓ તેમજ પાટણ મહેસાણાના ઉમેદવારો અંગે ચર્ચા થશે.
મહત્વનુ છે કે 4 ફેબ્રુઆરીના રોજ સ્થાનિક સ્વરાજની ચૂંટણી યોજવાની છે.2 જીલ્લા પંચાયત 17 તાલુકા પંચાયત 75 નગરપાલિકાની ચૂંટણી યોજાશે.જો કે હજુ સુધી જીલ્લા પંચાયત તાલુકા પંચાયત નગરપાલિકાની તારીખો જાહેર થઈ નથી.ત્યારે હવે સ્થાનિક સ્વરાજની ચૂંટણી માટે ઉમેદવારોના નામ પર ચર્ચા થઈ રહી છે.
ઉલ્લેખનીય છે કે ગઇકાલે બેઠકના બીજા દિવસે આણંદ પંચમહાલ મહિસાગરની બેઠકો પર ચર્ચા કરવામાં આવી હતી. જ્યારે વલસાડ નવસારી તાપીસની નગરપાલીકાની બેઠકો પર ચર્ચા કરાઇ હતી. આ ઉપરાંત આ બેઠકમાં અમદાવાદ સાબરકાંઠા ગાંધીનગર માટે ઉમેદવારોના નામને લઈને ચર્ચા કરવામાં આવેલ.
આ બેઠકમાં મુખ્યમંત્રી વિજય રૂપાણી પ્રદેશ પ્રમુખ જીતુ વાઘાણી અને પૂર્વ મુખ્યમંત્રી આનંદીબેન પટેલ હાજર રહ્યા છે. આ ઉપરાંત આ બેઠકમાં પ્રભારી ભુપેન્દ્ર યાદવ પર ઉપસ્થિત રહ્યા છે.