બનાસકાંઠામાં નેશનલ હાઇવે 14 પર મોડી રાત્રે લૂંટ ની ઘટના સામે આવી છે. ડીસા રાધનપુર હાઇવે માલગઢ પાસે રિલાયન્સ પેટ્રોલ પંપ આવેલો છે. આ પેટ્રોલ પંપ પર રાત્રી સમયે ચાર અસામાજિક તત્વો દ્વારા લૂંટ ચલાવવામાં આવી. જે મામલે પોલીસે CCTV ફૂટેજના આધારે તપાસ હાથધરી છે.
આ અંગે પ્રાપ્ત થતી વિગતોનુસાર ડીસા રાધનપુર હાઇવે પર લૂંટ ની ઘટના બની હતી. જે સમયે પેટ્રોલ પંપ પર બે કર્મચારીઓ હાજર હતા. ત્યારે અચાનક એક સફેદ કલરની ઇનોવા કાર ઓફિસ આગળ આવી હતી. તેમાંથી બે લોકો રિવોલ્વર સાથે ઉતરેલા ચાર બુકનીધારી શખ્સો સીધા જ ઓફિસમાં ઘુસી આવ્યા હતા. પેટ્રોલ પંપ ના કર્મચારીને રિવોલ્વર બતાવી ધાક ધમકી આપી હતી. આ ચારેય શખ્સોએ જીગર દેસાઇને મારમારી નીચે પાડી દઈ તેની પાસેથી 18 હજારની રોકડ ની લૂંટ ચલાવી ત્યાંથી ફરાર થઈ ગયા હતા.આ ઘટના થી ડરી ગયેલા કર્મચારીએ પેટ્રોલ પંપ માલિકને જાણ કરી હતી. જે બાદ પોલીસે ને જાણ કરતાં પોલીસ તાત્કાલિક ઘટના સ્થળે પોહચી તપાસ હાથધરી છે.
આ બનાવ જાણ થતાં ડીસા તાલુકા પોલીસ પણ ઘટના સ્થળે દોડી આવી હતી. આ લૂંટની ઘટના CCTV માં પણ કેદ થઈ ગઈ હતી. જેથી પોલીસે હાલમાં અજાણ્યા ચાર બુકાની ધારી શખ્સો સામે હાઇવે રોબરી નો ગુન્હો નોંધી તપાસ હાથધરી છે. જ્યારે CCTV ફુટેજના આધારે લૂંટારૂઓની શોધખોળ હાથધરી છે.
નેશનલ હાઇવે પર લૂંટારુઓ ખુલ્લેઆમ લૂંટ ચલાવી રહ્યા છે. હાઈવે પર વાહનો ની અવરજવર હોવા છતાં લૂંટારુઓ બેફામ બન્યા છે. ત્યારે જોવાનું એ રહેશે કે આખરે ડીસા તાલુકા પોલીસ લૂંટારુઓને કેટલા સમયમાં ઝડપી પાડે છે.