ભારતના ભૂતપૂર્વ ક્રિકેટર સચિન તેંડુલકર કચ્છની મુલાકાતે

કચ્છ:ક્રિકેટ ઈતિહાસના મહાન ક્રિકેટર સચિન રમેશ તેંડુલકર આજે કચ્છના અતિથિ બન્યાં છે.વહેલી સવારે 8 વાગ્યે જેટ એરવેઝની ફ્લાઈટમાં સચિન તેમના પત્ની અંજલિ અને અન્ય ચારેક મિત્રો સાથે ભુજ એરપોર્ટ પર લેન્ડ થયાં હતા. બ્લેક ટી-શર્ટ અને કેપમાં સજ્જ સચિનને જોવા એરપોર્ટ તેમના ચાહકો ઉમટ્યાં હતા. 

જો કે સચિને મિડિયા સાથે કોઈ વાત કરી નહતી.બાદમાં સૌ કારમાં બેસીને માંડવીના સેરેના બીચ રીસોર્ટ ખાતે રવાના થઈ ગયાં હતા.સચિન માત્ર અંગત મનોરંજન હેતુ મિત્રો સાથે કચ્છ આવ્યા છે.

રાત્રિ રોકાણ તેઓ સેરેના બીચમાં કરશે.આવતીકાલે સવારે પરત રવાના થશે.તેમની મુલાકાત અંગત હોઈ મિડિયાને દૂર રખાયું છે.તો વહીવટી તંત્ર-પોલીસ વગેરેને પણ કશી સત્તાવાર માહિતી અપાઈ નથી.