રમતના મેદાન પર જીત પછી ઘણી વખત પ્લેયર્સ પોતાની જર્સી ફેન્સને આપી દેતા હોય છે પરંતુ ઇટલીના ફૂટબૉલ ક્લબ જુવેન્ટ્સના ગોલ કીપર જિયાનલુગી બફનને પોતાની ટીમ દ્વારા મેચને ડ્રો કર્યા બાદ કંઈક એવી રીતે ઉજવણી કરી કે ઓડિયન્સ પણ આ જોઇને ચોંકી ગઇ હતી.
તેણે મેચ પછી પોતાનું શોર્ટ્સ ઉતારીને પોતાના એક ફેનને આપી દીધું. જુવેન્ટ્સની ટીમ બાર્સિલોનાથી આ મેચ રમી રહી હતી. જુવેન્ટ્સઆ મેચ ડ્રો પર પૂરી કરી દીધી. 39 વર્ષીય બફને ઈન્ટરનેશનલ ફૂટબોલ ટીમમાંથી નિવૃત્તિ લીધા બાદ આ પહેલી મેચ રમી હતી. ઈટાલી વર્લ્ડકપ માટે ક્વૉલિફાઈ ન કરી શકતા બફને ઈન્ટરનેશનલ ફૂટબોલને અલવિદા કરી દીધું હતું.
આ મેચમાં 0-0થી ડ્રો થયા પછી બાર્સિલોનાએ અંતિમ 16માં પોતાની જગ્યા ક્વૉલિફાઇ કરી લીધું છે. ત્યારે બીજી તરફ જુવેન્ટ્સની ટીમ ગ્રુપમાં બીજા સ્થાન પર છે અને જો તે ઓલિમ્પિયાકોસ વિરુદ્ધ 5 ડિસેમ્બરે થનારી મેચ જીતી જશે તો તે પણ આગામી ગ્રુપ માટે ક્વૉલિફાઈ થઈ જશે.
બફને ઈટાલી માટે છેલ્લા 20 વર્ષમાં 175 મેચો રમી. તે આગામી વર્ષે યોજાનારા વર્લ્ડકપની તૈયારી કરી રહ્યો હતો. આ તેનો છઠ્ઠો વર્લ્ડકપ હોત પરંતુ સ્વીડન સામે 0-1થી હાર્યા બાદ ઈટાલી વર્લ્ડકપમાં ક્વૉલિફાઈ ન થઈ શક્યું. આવું 60 વર્ષમાં પહેલીવાર બન્યું છે.
જુવેન્ટ્સ માટે પોતાની સંભવિત છેલ્લી સીઝન રમી રહેલા બફનની ઈચ્છા છે કે ''તેની ટીમ ચેમ્પિયન્સ લીગ જીતે''