ITC ડાબર અને હિન્દુસ્તાન યૂનિલીવર અને મૈરિકો જેવી FMCG કંપનીઓએ ગૂડ્સ એન્ડ સર્વિસીસ ટેક્સ (GST)ના દરોના ઘટાડાનો લાભ ગ્રાહકોને આપવા માટે પોતાની પ્રોડક્ટ્સની કિંમતમાં ઘટાડો કરી દીધો છે. સરકારે એક દિવસ પહેલા જ કંપનીએને GST દરોના ઘટાડોનો લાભ ગ્રાહકોને આપવા માટે કહ્યુ હતુ.
ઉલ્લેખનીય છે કે GST કાઉન્સિલની ગુવાહાટીમાં 10 નવેમ્બરના થયેલી બેઠકમાં 178 વસ્તુઓનો 28% ટેક્સ સ્લેબમાંથી નીકાળીને 12% ટેક્સ સ્લેબમાં લાવવામાં આવી છે. અન્ય સ્લેબ પણ ઉમેરીએ તો 200થી વધુ વસ્તુઓ પરના ટેક્સમાં ઘડાટો કરાયો હતો. નવા GST દરો 15 નવેમ્બરથી લાગુ કરવાના હતા.
ITCના પ્રવક્તાના જણાવ્યાનુસારકંપનીએ તાજેતરના GST નોટિફિકેશન અંતર્ગત લાગુ કરેલા દરોના હિસાબે પોતાની ઉત્પાદોની કિંમતો ઘટાડી છે. એ જ રીતે હિંદુસ્તાન યુનિલિવરના પ્રવક્તાએ કહ્યું છે કે ''અમે બ્રૂ કોફી ગોલ્ડના 50 ગ્રામ પેકેટની કિંમત 145થી ઘટાડીને 111 રૂપિયા કરી દીધી છે. એ જ રીતે મેરિકાના અધિકારીએ કહ્યું છે કેકંપનીએ ડિયોડ્રન્ટ્સહેર જેલહેર ક્રીમ અને બોડી કેર પ્રોડક્ટ્સની MRPમાં પણ ફેરફાર કર્યો છે.''
આ પહેલાં રોજિંદા ઉપયોગમાં લેવાતી વસ્તુઓ બનાવતી ડાબર ઇન્ડિયાએ GST દરોમાં તાજેતરના કાપનો ફાયદો આપતા શેમ્પુસ્કિન કેર અને હોમ કેર વસ્તુઓની કિંમતમાં 9% સુધીના કાપની જાહેરાત કરી છે. કંપનીએ મંગળવારે એક નિવેદનમાં કહ્યું હતું કેતે વર્તમાન ભંડાર પર જીએસટીના કાપનો લાભ ગ્રાહકોને આપી રહી છે. તે અંતર્ગત પ્રોડક્ટ્સની કિંમતમાં 9% નો લાભ વેપાર સહયોગીને આપવામાં આવી રહ્યો છે. ડાબરે નવા ઉત્પાદનની MRPમાં તાત્કાલિક અસરથી કાપ મૂક્યો છે. કિંમતમાં 8-10% સુધીનો કાપ મૂકવામાં આવ્યો છે. આ નવો માલ આવતા મહિને બજારમાં આવશે.