સ્કૂલમાં રેપ કરતો હતો ટિચર સ્ટૂડેન્ટને વળતર તરીકે મળ્યા રૂ. 320 કરોડ

અમેરિકામાં રેપના એક મામલામાં પીડિતાને લગભગ 320 કરોડ રૂપિયાનું વળતર મળ્યું છે. ક્લાસરૂમમાં તેના પૂર્વ જોમેટ્રી ટીચર સમગ્ર સેમિસ્ટર દરમિયાન તેનો બળાત્કાર કરતો હતો. ઘટનાના સમયે પીડિત વિદ્યાર્થીનીની ઉંમર 16 વર્ષની હતી. બુધવારે પીડિતાએ એનબીસી ન્યૂઝ-6 સાથે આ મામલે વાત કરી.તેણે કહ્યું કે તે ઘટના સમયે અસહજ થઈ ગઈ હતી. તે એ ઘટના વિશે ન તો વિચારે છે અને ન તો વાત કરવાનું પસંદ કરે છે. ઘટના 2013ની છે જ્યારે પીડિતાએ પોતાના જ ટીચર બ્રેસ્નિયલ જેનસેન મોન્સ (35) વિશે કહ્યું હતું કે તેણે મિયામી ડેડ સોમોફોર દરમિયાન મારા પર રેપ કર્યુ હતું. વર્ષ 2014માં તેના પર પ્રથમ વખત રેપનો આરોપ લાગ્યો હતો ત્યાર બાદ તેની ધરપકડ કરવામાં આવી હતી.

મિયામી હેરાર્ડ અનુસાર આ મામલે જ્યૂરીએ નિર્ણય સંભળાવતા કહ્યું કે આરોપીએ 9 લાખ રૂપિયા સારવાર માટે આપવા પડશે. જ્યારે 1.65 કરોડ રૂપિયા તેના ભવિષ્યના હોસ્પિટલના ખર્ચા પેટે આપવા પડશે. 26 કરોડ રૂપિયા માનિસક પીડા અને દુ:ખ માટે અને 94 કરોડ રૂપિયા ભવિષ્યની માનસિક પીડા અને દુ:ખ માટે આપવા પડશે.

ઉપરાંત જ્યૂરીએ પીડિતાને દંડાત્મક વળતર રૂપમાં 189 કરોડ રૂપિયા આપવાનું કહ્યું. કોર્ટે રેકોર્ડમાં આરોપીએ પોતાનો ગુનો સ્વીકારી લીધો હતો ત્યાર બાદ છ મહિના માટે જેલ મોકલવામાં આવ્યો હતો. જેલમાંથી છૂટ્યા બાદ 10 વર્ષ સુધી તેને પ્રોબેશન આપવામાં આવ્યું. હાલમાં તેના પર રેપનો કેસ ચાલે છે. સીઆરએસ ટ્રાયલ અટોર્ની જોન લેટન અને મેક્સ પૈનોફે જણાવ્યું કે મોન્સે આ પહેલા પણ અન્ય સ્કૂલમાં સગીર યુવતીની છેડતી કરી હતી.