બોલિવુડના સ્ટાર કિડ્સમાં શ્રીદેવીની દિકરી જાહ્નવી કપૂર અને શાહિદ કપૂરનો ભાઇ ઇશાન ખટ્ટરનું નામ ખૂબ જ ચર્ચામાં છે. હવે બંનેની અપકમિંગ ફિલ્મ 'ઘડક'નો ફર્સ્ટ લૂક રિલીઝ કરવામાં આવ્યો છે. આ ફિલ્મ બંનેની બોલિવુડમાં ડેબ્યૂ ફિલ્મ છે.
ફિલ્મના પ્રોડ્યુસર કરણ જોહરે ફિલ્મના 3 પોસ્ટર પોતાના સોશ્યલ મીડિયા પર શૅર કર્યા છે. આ પોસ્ટરમાં જાહ્નવી કપૂર અને ઇશાન ખટ્ટરની રોમેન્ટિક કેમેસ્ટ્રી જોવા મળી રહી છે. પોસ્ટરમાં જોઇ શકાય છે ફિલ્મ 6 જૂલાઇ 2018માં રિલીઝ થશે.
તમને જણાવી દઇએ કેધર્મા પ્રોડક્શનની આ ફિલ્મના ડિરેક્ટર શંશાક ખેતાન છેજેમણે પહેલા વરૂણ ધવન અને આલિયા ભટ્ટ સ્ટાર ફિલ્મ 'હમ્પ્ટી શર્મા કી દુલ્હનિયા' અને 'બદ્રીનાથ કી દુલ્હનિયા' ડિરેક્ટ કરી હતી.
ઉલ્લેખનીય છે કેફિલ્મ 'ધડક' મરાઠી ફિલ્મ 'સૈરાટ'ની હિન્દી રિમેક છે. એવી ચર્ચા છે કે જાહ્નવી અને ઇશાન એકબીજાને ડેટ પણ કરી રહ્યા છે. મોટેભાગે આ સ્ટાર કિડ્સ એકબીજા સાથે પણ જોવા મળે છે.
તાજેતરમાં શ્રીદેવીએ જાહ્નવીના ડેબ્યૂને લઇને વાત કરતા જણાવ્યુ કે ''તે ફિલ્મને લઇને ખૂબ જ ઉત્સાહિત છે.'' તેણે આગળ કહ્યુ કે ''તે પોતાની દિકરીઓને ફિલ્મમાં કામ કરવા માટે ટિપ્સ આપતી રહે છે પરંતુ સાથે તેની ઇચ્છા પણ છે કે તે ફિલ્મ ઇન્ડસ્ટ્રીમાં પોતાની ઓળખ જાતે બનાવે.''