રાહુલ ગાંધીના આગમન પુર્વે થયું ફાયરિંગ કારમાં પીછો કરી રહેલા શખ્સોએ કર્યો હુમલો

જામનગરઃ રાહુલ ગાંધીના ગુજરાત પ્રવાસ પૂર્વે જ જામનગરમાં મોડી રાત્રે ફાયરિંગની ઘટના બની છે. રાહુલ ગાંધી જામનગરમાં જ્યાં વેપારીઓ સાથે વાર્તાલાપ કરવાના છે. તે સ્થળથી માત્ર 50 મીટરના અંતરે અજાણ્યા શખ્સોએ કુખ્યાત જમીન માફિયા જયેશ પટેલની કાર પર ફાયરિંગ થયું હતું. પ્રથમ ફાયરિંગ થતાં જ જયેશ પટેલે કાર પૂર ઝડપે હંકારી હતી. જે બાદ અજાણ્યા શખ્સોએ પણ કારનો પીછો કર્યો હતો. અને માંડવી ટાવર અને સેતાવાડ વિસ્તારમાં પીછો કરીને માંડવી ટાવર અને સેતાવાડ વિસ્તારમાં કાર પર ફાયરિંગ કર્યું હતું.

જોકે કાર સ્પીડમાં હોવાથી છટકવામાં સફળ રહી હતી. અને અજાણ્યા શખ્સો પણ ફરાર થઈ ગયા હતા. જોકે રાહુલ ગાંધી જામનગર આવી રહ્યા છે. ત્યારે સુરક્ષામાં કોઈ ચૂક ન રહી જાય તે માટે પોલીસ પણ સજ્જ થઈ ગઈ છે. જોકે જામનગરમાં થયેલી ફાયરિંગની ઘટનાને પગલે સુરક્ષા વ્યવસ્થામાં મોટા છીંડા સામે આવ્યા છે.