અમેરિકાના લોસ એન્જેલેસના જંગલોમાં ભયાનક આગ ફાટી નીકળી છે. આગ એટલી તો ભયાનક હતી કે નવ માઇલ સુધી નજીક આવેલા ઘરો અને માલ-મિલકતોને બંધ કરાવવામાં આવ્યા છે. સાથે જ અનેક લોકોએ સ્થળાંતર કરવાની ફરજ પડી છે. અંદાજે 5800 એકરમાં આ આગ ફેલાઈ ચૂકી છે. શહેરના ઇતિહાસમાં આ પહેલી સૌથી મોટી આગ છે.
જેને કાબુ કરવા માટે લોસ એન્જેલેસનું વહીવટીતંત્ર સતત કાર્યરત છે. 100 જેટલા ફાયર ફાટર્સની ટીમ ઉપરાંત હેલિકોપ્ટર ફાઇટર્સ પણ આગ બુઝવવાનો પ્રયાસ કરી રહ્યા છે. ભારે પવનને કારણે આ આગ વધુ ફેલાય તેવી આશંકા વ્યક્ત કરાઈ છે.
અત્યાર સુધીમાં 500 જેટલા ઘરો ખાલી કરાવવામાં આવ્યા છેઆ ઉપરાંત અનેક લોકોને સલામત સ્થળે ખસી જવાની ચેતવણી જાહેર કરવામાં આવી છે.