જીંદાલ ડેનિમ નામના કાપડના ગોડાઉનમાં લાગી આગ કારણ હજુ અકળ

અમદાવાદના નારોલ વિસ્તારમાં આવેલી એક ડેનિમ કંપનીમાં મોડી રાત્રે આગ લાગવાનો બનાવ સામે આવ્યો. કોઝી હોટેલ પાસે આવેલી  જીંદાલ ડેનિમ નામના આ કાપડના ગોડાઉનમાં આગ લાગી હતી.

આગ લાગવાના બનાવ અંગેની જાણ થતાં જ ફાયર બ્રિગેડની ટીમે આગને કાબુમાં લેવા પ્રયત્નો શરૂ કર્યા હતા અને કલાકોની જહેમત બાદ પણ 13 ફાયર ફાઇટરો અને પાણીના ટેન્કરની મદદથી પણ આગ પર કાબુ મેળવી શકાયો નથી.

 ઉલ્લેખનીય છે કે સદનસીબે આગના બનાવમાં કોઈ જાનહાની થઈ હોવાના પણ સમાચાર સામે નથી આવ્યા. તો આગ લાગવાનું કારણ પણ હજૂ સ્પષ્ટ નથી થઈ ત્યારે બીજી તરફ કાપડના ગોડાઉનમા આગના સમાચાર વાયુવેગે ફેલાતા કંપની સત્તાધીશો એ મીડિયાથી અળગા રહી ફાયર વિભાગ સાથે  ભીનું સંકેલ્વા પ્રયાસ કર્યો હોવાની ચર્ચા થઈ રહી છે.