જૂનાગઢ: જૂનાગઢમાં શીતળી કુંડ પાસે એગ્રો કેમિકલના ગોડાઉનમાં ભીષણ આગ લાગી હતી. કેમિકલ ગોડાઉનમાં આગ લાગતાં આસપાસના વિસ્તારોમાં પણ ભયનો માહોલ ફેલાયો હતો. રહેણાંક વિસ્તારમાં ઝેરી કેમિકલ વહેતા લોકોને ગુંગળામણ થવાની પણ ફરિયાદો ઉઠવા પામી હતી.
બનાવની જાણ થતાં જ ફાયર બ્રિગેડની ટીમ ઘટનાસ્થળે પહોંચી ગઈ હતી. અને ભારે જહેમત બાદ આગ પર કાબૂ મેળવ્યો હતો. જોકે કેમિકલ કંપનીમાં લાગેલી આગના કારણે સ્થાનિક લોકોમાં ભારે રોષ જોવા મળ્યો હતો. સ્થાનિકોએ કેમિકલ ગોડાઉનને દૂર કરવાની પણ માગ કરી છે.