ઘડી ડિટર્જન્ટ કંપનીના કર્મચારી દ્વારા ખેડૂત પર કરાયો હુમલો

દ્વારકામાં છેલ્લા ઘણા સમયથી ઘડી ડિટર્જન્ટ કંપની દ્વારા ખેડૂતોની જમીન કબ્જે કરવામાં આવી છે. ત્યારે હવે કંપનીના કર્મચારી દ્વારા ખેડૂત પર હુમલો કરવામાં આવ્યો છે. ખેડૂત પર હુમલો થતા સમગ્ર ગામના ખેડૂતોમાં રોષ જોવા મળી રહ્યો છે.

મહત્વનુ છે કે આ ગામમાં છેલ્લા ઘણા સમયથી જમીનના મામલે વિવાદ ચાલી રહ્યો છે. જાહેર સરકારી જમીન રસ્તા પર કંપની દ્વારા બંધ કરવામાં આવ્યા છે. જેના કારણે ખેડૂતો દ્વારા સરકારને લેખિતમાં રજૂઆત કરવામાં આવી છે. પરંતુ સરકાર દ્વારા કોઈ પગલા ન લેવામાં આવતા ખેડૂતોમાં રોષ જોવા મળી રહ્યો છે. ત્યારે હવે ખેડૂતનો પુત્ર પોતાના મિત્ર સાથે પોતાની ખેતરની હદમાં જતા કંપનીના સિક્યુરિટી ગાર્ડ દ્વારા તેમને રોકવામાં આવ્યા હતા. 

ત્યાર બાદ કંપનીના સિક્યુરિટી ગાર્ડ દ્વારા યુવકને ઢોર માર મારવામાં આવ્યો હતો. આ ઘટના બાદ ખેડૂતોમાં રોષ જોવા મળી રહ્યો છે.