ડુક્કરનુ માંસ ખાવાથી ફેમિલી જતું રહ્યુ કોમામાં ન્યૂઝીલેન્ડમાં વસતા ભારતીય પરિવારની ઘટના

ભારતીય મૂળ ન્યૂઝીલેન્ડમાં રહેનારી એક ફેમિલી હાલના સમયના જિંદગી અને મોતની વચ્ચે ઝઝૂમી રહ્યા છે. વાસ્તવમાં આ ફેમિલીએ હંટિંગ ટ્રિપ દરમિયાન એક જંગલી ડુક્કરનો શિકાર કરીને તેનું માંસ ખાધું હતુ. માંસ ખાધા પછી થોડી જ વારમાં પરિવારના 3 લોકો બેભાન થઇ ગયા અને હાલમાં તેઓ કોમામાં છે.

કેરલના 35 વર્ષના શિભુ કોચુમમને લગભગ 5 વર્ષ પહેલા પોતાની પત્ની સુબી બાબુ (32) માતા અલેકુટ્ટી ડેનિયલ (62) અને 2 વર્ષની દિકરીની સાથે ન્યૂઝીલેન્ડ શિફ્ટ થઇ ગયા હતા.

ન્યૂઝીલેન્ડના પુતારૂરૂ સિટીમાં રહેતા કોચુમમેન એક પ્રાઇવેટ કંપનીમાં કામ કરે છે. અહીંયા તેમની બીજી એક દિકરીનો જન્મ થયો જે 2 વર્ષની છે.

ગત મંગળવારે કોચુમમેન પત્ની માતા અને બંને દિકરીઓની સાથે હંટિંગ ટ્રિપ પર નીકળ્યો હતો. આ દરમિયાન તેમણે એક જંગલી ડુક્કરનો શિકાર કર્યો હતો. જંગલમાં તેનું માંસ ખાધા પછી ત્રણેયની હાલત ખરાબ થઇ ગઇ. કોચુમમેન બેભાની હાલાતમાં એમ્બયુલન્સને ફોન લગાવ્યો અને તે જગ્યા પર તે ટીમ પહોંચી ગઇ.

ત્રણેયને જ્યારે હોસ્પિટલમાં લાવવામાં આવ્યા ત્યારે તેઓ કોમામાં જતા રહ્યા હતા. ડોક્ટર્સ અનુસાર અત્યાર સુધી ત્રણેયની સ્થિતિ ગંભીર છે. કોચુમમેનની મોટી દિકરીએ ડૉક્ટર્સને જણાવ્યુ કે ઉંઘંમાં હોવાને કારણે તે બંને બહેનોએ માંસ ખાધુ ન હતુ. તેથી બંને સલામત છે. રિપોર્ટ અનુસાર પરિવારે જે ડુક્કરનું માંસ ખાધું તે ઝેરી હતું.