ફેસબુક લવર્સ માટે આ સારા સમાચાર છે. વિશ્વની સૌથી મોટી સોશ્યલ નેટવર્કિંગ હવે મોબાઇલ ફોન માર્કેટમાં પણ આવી રહ્યું છે. સમાચાર છે કે ફેસબુક હવે પોતાનો સ્માર્ટફોન પણ લોન્ચ કરવા જઇ રહી છે. માહિતી અનુસાર હાલમાં આ હેન્ડસેટ પર કામ ચાલી રહ્યું છે પરંતુ ટૂંક સમયમાં જ તે બજારમાં મુકવામાં આવી શકે છે.
સમાચાર છે કે ફેસબુકની હાર્ડવેર પર કામ કરવા માટેની એક યુનિટ દ્વારા જાન્યુઆરીમાં એક 'મોડ્યુલર ઇલેક્ટ્રોમેનિકલ ડિવાઇસ' ની પેટંટ માટે અરજી દાખલ કરવામાં આવી છે. સ્પીકર કેમેરા માઇક્રોફોન ટચસ્ક્રીન અને ડિસ્પ્લે હોઇ શકે છે. એવુ માનવામાં આવી રહ્યુ છે કે તે એક મોડ્યુલર સ્માર્ટફોન હશે. તમને જણાવી આપીએ કે આની પહેલાથી જ મોટોરોલાએ મોડ્યુલર સ્માર્ટફોન્સ લોન્ચ કર્યું છે. મોડ્યુલર સ્માર્ટફોન તે છે કે જેમાં તેના પરફોર્મન્સ વધારવા માટે અલગથી પાટર્સ ઉમેરવામાં આવી શકે છે.