અફઘાનિસ્તાનના જલાલાબાદ શહેરમાં બોમ્બ બ્લાસ્ટના સમાચાર છે. આ હુમલામાં 12 લોકોના મોત થયા છે. તો બીજી બીજુ 14 લોકો ઘાયલ થયા હોવાની માહિતી મળી રહી છે.
હુમલાની જાણકારી આપતાં જલાલાબાદાના પ્રાંતીય ગવર્નરના પ્રવક્તા અતાઉલ્લાબ ખોગીએ કહ્યું કે 'પૂર્વ ડિસ્ટ્રીક્ટ ગવર્નરના અંતિમ સંસ્કારમાં એકત્રિત થયેલા લોકોને નિશાન બનાવતાં હુમલાને અંજામ આપવામાં આવ્યો છે.'
કોઇ પણ આતંકી સંગઠને હજુ આ હુમલાની જવાબદારી લીધી નથી. આ પહેલા અફઘાનિસ્તાનની રાજધાની કાબુલમાં 29 ડિસેમ્બરે એક શિયા ધાર્મિક સ્થળ પર આત્મઘાતી હુમલો થયો હતો જેમાં 41 લોકોના મોત થયા હતા અને 84 લોકો ઘાયલ થયા હતા.