VIDEO: સુરતમાં ભાજપ અને કોંગ્રેસના કાર્યકર્તાઓ વચ્ચે ઘર્ષણ મોદી-મોદીના લાગ્યા નારા

રાહુલ ગાંધી સુરતના પ્રવાસે છે ત્યારે તેમણે વેપારીઓ સાથે મુલાકાત કરી હતી. જે બાદ NTM માર્કેટ પહોંચ્યા હતા પરંતુ રાહુલના NTM માર્કેટ પહોંચતાની સાથે જ મોદી મોદીના નારા લાગ્યા હતા. જે બાદ ભાજપ અને કોંગ્રેસના કાર્યકરો વચ્ચે ઘર્ષણ પણ સર્જાયું હતું. બનાવની જાણ થતા પોલીસ પણ ઘટના સ્થળે આવી પહોંચી હતી તો બીજી તરફ  કોંગ્રેસના સમર્થકોએ પોલીસ મોદી સંર્થકોને છાવરી રહી હોવાનો આરોપ લગાવ્યો હતો. 

રાહુલ ગાંધી સુરતના NTM માર્કેટ ખાતે વેપારીઓ સાથે ચર્ચા કરી હતી. આ દરમ્યાન લોકોની ભારે ભીડ રાહુલ ગાંધીને જોવા માટે ઉમટી પડી હતી અને સમર્થકો સુરક્ષાનો ઘેરો તોડીને રાહુલ ગાંધી સાથે મળવા માટે જઈ રહ્યા હતા. જેને પગલે રાહુલ ગાંધીની ગાડી બોર્ડ રૂમ સુધી લઈ જવામાં આવી હતી.