એક્સ મિસ ઇન્ડિયા ડાયના હેડન ફરી પ્રેગ્નેન્ટ છે. ડાયના ટ્વિન્સ બાળકોની માતા બનાવી છે. તમને જાણીને નવાઈ લાગશે કે તેણે ત્રણ વર્ષ પહેલા તેના એગ્સ ફ્રીઝ કરાવ્યા હતા જેની મદદથી તે હવે ટ્વીન્સ બાળકોને જન્મ આપવા જઈ રહી છે.
ડાયના જાન્યુઆરી 2016માં પહેલી વખત માતા બની હતી. તેણે ત્યારે પણ ફ્રીઝ કરાવેલા એગ્સથી ગર્ભ ઘારણ કરેલું. રિપોર્ટ્સ અનુસાર માતા બનવા માટે તેણે આઠ વર્ષ અગાઉ ફ્રીઝ કરાવેલા એગ્સમાંથી બાળકને જન્મ આપ્યો હતો. હેડનના લગ્ન 40 વર્ષની ઉંમરમાં અમેરિકન કૉલેન ડિકની સાથે કર્યા હતા.
હેડનની હાલની ઉંમર 44 વર્ષ છે. તેણે સાબિત કરી બતાવ્યુ કે એક એગ્સ ફ્રોઝિંગ માત્ર એક સપનું નથી પરંતુ સાઇન્સનો ચમત્કાર છે.
શું છે એગ ફ્રીઝ કરવાની ટેક્નિક:
સ્ત્રીનો એમ્બ્રિયો કે પુરુષના સ્પર્મ ફ્રીઝ કરવા આસાન છે. પરંતુ એગમાં ઘણુ બધુ પાણી હોય છે. આથી તેને ફ્રીઝ કરતી વખતે તેનો બરફ ન જામી જાય તેની ખાસ તકેદારી રાખવી પડે છે. જો કે ડોક્ટર્સના મતે હવે એક નવી ટેકનિક આવી છે જેને કારણે આ સમસ્યામાંથી છૂટકારો મળી શકે તેમ છે. જેથી ફ્રીઝ કરેલા એગ્સને ડેમેજ થતુ નથી. સ્ત્રીને 10થી 14 દિવસ માટે હોર્મોન્સના ઈન્જેક્શન આપવામાં આવે છે જેથી તેની ઓવરીઝ વધારે એગ્સ બનાવી શકે. એગ્સ પુખ્ત થઈ જાય એટલે તેને સ્ત્રીની વજાઈનામાંથી બહાર કાઢી લેવાય છે. આ એગ્સને તરત જ ફ્રીઝ કરી દેવાય છે. તેને દિવસો મહિનાઓ કે વર્ષો સુધી ફ્રીઝ કરી શકા છે. સ્ત્રી જ્યારે પ્રેગ્નેન્સી માટે તૈયાર થાય ત્યારે આ એગ્સને ફરી ઓગાળવામાં આવે છે અને ગર્ભ માટે તેમાં સ્પર્મ ઈન્જેક્ટ કરવામાં આવે છે. ત્યાર પછી જે એગ્સ ફર્ટિલાઈઝ થાય તેને સ્ત્રીના ગર્ભમાં રોપી દેવામાં આવે છે.
મુંબઈમાં એગ્સ ફ્રીઝ કરવા માટે નિષ્ણાંતો રૂ. 50 હજાર સુધી ચાર્જ વસૂલે છે. આ ઉપરાંત તમારે મેન્ટેનન્સ અને લેબ ચાર્જ અલગથી આપવા પડી શકે છે.