વડોદરામાં વિધાનસભા ચૂંટણીની 10 બેઠકો પર 73 ટકા મતદાન નોંધાયું. મતદાન બાદ તમામ ઈવીએમ અને વીવીપેટ મશીનોને વડોદરાની પોલિટેકનીક કોલેજના સ્ટ્રોગ રૂમમાં રાખવામાં આવ્યા છે.ચૂંટણી તંત્ર ધ્વારા 10 સ્ટ્રોંગ રૂમ બનાવવામાં આવ્યા છે.
પોલિટેકનીક કોલેજ ખાતે ઈવીએમ અને વીવીપેટ મશીનની સુરક્ષા માટે જડબેસલાક પોલીસ બંદોબસ્ત રાખવામાં આવ્યા છે. સ્ટ્રોગ રૂમની બહાર પોલીસ સહિત અર્ધ લશ્કરી દળના જવાનો તૈનાત કરવામાં આવ્યા છે.
જેઓ 24 કલાક ઈવીએમ અને વીવીપેટ મશીન પર નજર રાખશે.ચૂંટણી તંત્ર ધ્વારા તમામ 10 સ્ટ્રોગ રૂમની બહાર 10 સીસીટીવી કેમેરા લગાવાયા છે જેનું સીધુ જ મોનિટરીંગ ભાજપ કોગ્રેસના એજન્ટો તેમજ પોલીસ અધિકારીઓ જોઈ શકે તેવી રીતે બે એલસીડી સ્ક્રીન લગાવાઈ છે. તેમજ કોગ્રેસે પણ સ્ટ્રોગ રૂમની બહાર પોતાના કાર્યકરોને નિગરાની હેઠળ 24 કલાક રાખ્યા છે.