અમેરિકામાં કેલિફોર્નિયાનાં જંગલોમાં એકસપ્તાહ પહેલાં લાગેલી વિનાશક આગનો ઘેરાવો સતત વધી રહ્યો છે. આગે 2.30 લાખ એકરનાં જંગલોને લપેટમાં લીધાં છે. આ વિસ્તારનું ક્ષેત્રફળ ન્યૂયોર્ક શહેરથી પણ મોટું છે.
ચાર ડિસેમ્બરે વેન્ટુરા અને સેન્ટ પૉલ વિસ્તારમાં લાગેલી આ આગ 50 કિ.મી.ની ઝડપે ફૂંકાતી હવાઓના કારણે ઝડપથી ફેલાઈ રહી છે. તેની લપેટમાં અત્યાર સુધીમાં સેન્ટા બારબરા કાઉન્ટીના તટવર્તી વિસ્તારો પણ આવી ગયા છે.
ત્યાં લોકોને ઘર ખાલી કરવા જણાવી દેવાયું છે. ભીષણ સ્થિતિના કારણે પ્રાંતમાં પહેલેથી જ ઈમર્જન્સી લાગી ચુકી છે. રાજ્યના ઈતિહાસમાં 1932 બાદથી આ 5મી વખત સૌથી ભીષણ આગ લાગી છે. ત્યારે 2.2 લાખ એકર જંગલ રાખ થઈ ગયું હતું.
આગથી 1 000 ઘરઇમારતોનો નાશ થઈ ગયો છે. 90 હજાર મકાનોમાં વીજળી નથી. આગ ઓલવવા 5800 ફાયર ફાઈટર્સ કામમાં લાગેલા છે. હજુ સુધીમાં 220 કરોડ રૂ.નો ખર્ચ થઈ ગયો છે.આગ ઓલવવામાં 19.5 હજાર કરોડનો ખર્ચ અમેરિકામાં જંગલની આગ ઓલવવા દર વર્ષે 19.5 હજાર કરોડ રૂપિયાનો ખર્ચ થાય છે. સૌથી વધુ આગ કેલિફોર્નિયામાં જ લાગે છે. અહીં દુષ્કાળગરમી હોવાથી અને તીવ્ર ઝડપે પવન ફૂંકાવાના કારણે આગ ઝડપથી ફેલાય છે.