વડોદરાઃ ડભોઇમાં ચૂંટણી લોહિયાળ બની છે. જયાં હાર્દિક પટેલની સભા બાદ મોડી રાત્રે ઘરે જતાં પાસ કન્વીનર પીયુષ પટેલ પર હુમલો કરાયો છે. હાર્દિક પટેલની સભા આટલી કેમ રહી સફળ કહીને હુમલો કરાયો હતો. હુમલામાં પીયુષ પટેલને માથાના ભાગે ગંભીર ઇજા થઇ છે.
4 યુવકો દ્વારા હુમલો કરાતા પીયુષ પટેલે કહ્યું હતું કે આ હુમલો ભાજપ દ્વારા કરાયો છે. સમગ્ર બનાવને પગલે ડભોઇ પોલીસે વધુ તપાસ હાથ ધરી છે.
ઉલ્લેખનીય છે કે ગુજરાત વિધાનસભાની બીજા તબક્કાની ચૂંટણી આંગણે આવી છે ત્યારે આ પ્રકારની ઘટના સર્જાતા રાજકીય ગરમાવો સર્જાયો છે. ડભોઇમાં ચૂંટણી લોહિયાળ બની છે. પોલીસે બનાવના પગલે વધુ તપાસ હાથ ધરી છે.