ગુજરાતમાં વિધાનસભાની ચૂંટણીઓની તૈયારીઓ પૂરજોશથી થઇ રહી છે. ત્યારે કેદ્રીય ચૂંટણી અધિકારીઓની એક ખાસ ટીમ દિલ્હીથી ગાંધીનગર આવી પહોંચી છે. આજે ગાંધીનગર આવી પહોચેલી આ ટીમના ખાસ અધિકારીઓને કારણે ગુજરાતમાં આવનારી ચૂંટણીના ધીમા ઢોલ વાગવાની શરૂઆત થઇ છે.તાજેતરમાં મળેલ માહિતી અનુસાર આ ટિમ દ્વારા અધિકારીઓની 4 દિવસીય તાલીમનો આજથી પ્રારંભ થયો છે.
તાજેતરમાં થયેલ રાજ્યસભાની ચૂંટણી લઈને ગુજરાતના રાજકારણમાં ભારે ગરમાવો સર્જાયો છે અને કોંગ્રેસના ખાસ ગણાતા શંકરસિંહ વાઘેલાએ તાજેતરમાં કોંગ્રેસના ધારાસભ્ય તરીકે રાજીનામું આપતા કોંગ્રેસની હાલત બહુ કફોડી થઇ ગઈ છે. ત્યારે ગુજરાતમાં ચૂંટણી થવના ભણકારા સાંભળતા કેટલાય રાજકીય વિશ્લેષકોએ પોતની ગણતરીઓ શરુ કરી દીધી છે.
કેન્દ્રની ચૂંટણી પંચના અધિકારીઓની ખાસ ટિમ આજે ગાંધીનગર આવી પહોંચતા ખાસ ચૂંટણીલક્ષી તૈયારીઓને વેગ મળશે. આ દિલ્હીથી આવેલા અધિકારીઓ ગુજરાતના અધિકારીઓને 4 દિવસ સુધી સતત ચૂંટણીલક્ષી તાલીમ આપશે તેવું સૂત્રો પાસેથી જાણવા મળ્યું હતું.