ગુજરાત કોંગ્રેસ દ્વારા ચૂંટણી ઢંઢેરાની તૈયારી શરૂ કરવામાં આવી છે. જે અંતર્ગત આજે ચૂંટણી ઢંઢેરા સમિતિની 2 બેઠક મળનાર છે. જે મુજબ આજે બપોર 1.30 કલાકે મધુસૂદન મિસ્ત્રીના અધ્યક્ષ સ્થાને ચૂંટણી ઢંઢેરા સમિતિના સભ્યોની બેઠક યોજાશે. જ્યારે બપોરે 3.00 કલાકે ગુજરાત કોંગ્રેસના પદાધિકારીઓ સાથે બેઠક યોજાશે.
આ બેઠકમાં વિવિધ વર્ગો અને અલગ-અલગ ક્ષેત્રોના નિષ્ણાતો હાજર રહેશે. વેપારીઓખેડૂતોમહિલાઓઉદ્યોગકારો વગેરે વર્ગના પ્રતિનિધિઓ બેઠક માં હાજર રહેશે અને તેમની પાસેથી જ ચૂંટણી ઢંઢેરામાં કયા-કયા મુદ્દાઓનો સમાવેશ કરવો તેના સૂચનો મંગાવવામાં આવશે. અને આ બેઠકમાં આવેલ સૂચનો અંગે ચર્ચા પણ થશે.
આગામી વિધાનસભાની ચૂંટણીને લઈને કોંગ્રેસે તડામાર તૈયારીઓ શરૂ કરી દીધી છે. સોમવારે કોંગ્રેસના પ્રદેશ કાર્યાલય ખાતે સ્કિશનગ કમિટીની બેઠક મળશે જેમાં આગામી વિધાનસભાની ચૂંટણીમાં ઉમેદવારોની પસંદગી અંગે ચર્ચા કરાશે.
સ્કિશનગ કમિટીની બેઠકમાં પ્રથમ તબક્કામાં કોંગ્રેસના વર્તમાન ધારાસભ્યો અંગે ચર્ચા કરવામાં આવશે. ત્યારબાદ સંભવિત ઉમેદવારોની પસંદગી અંગે ચર્ચા કરવામાં આવશે.કોંગ્રેસની આ સ્કિશનગ કમિટીની બેઠકમાં આગામી વિધાનસભાની ચૂંટણીને ધ્યાનમાં રાખીને ઉમેદવારોની પસંદગી અંગે ધારા-ધોરણો પણ નક્કિ કરવામાં આવશે.