મહેસાણા બેઠક પરથી નાયબ મુખ્યમંત્રી નીતિન પટેલ ચૂંટણી લડવાના છે. ત્યારે કોંગ્રેસમાંથી ઉમેદવાર જીવાભાઇ પટેલને જાહેર કરતા રાજકારણમા માહોલ ગરમાયો છે.
નીતિન પટેલે પોતાના હરિફ વિશે આકરા બોલ બોલ્યા હતા. જયાં નીતિન પટેલે કહ્યું કે જીવાભાઇ પટેલને ભાજપમાં જોડાવવાનું હતું. જીવાભાઇએ ભાજપમાં જોડાવા મને ફોન કર્યો હતો.
ઉલ્લેખનીય છે કે મહેસાણામાંથી જીવાભાઇ નીતિન પટેલના હરિફ છે. મહેસાણામાં 2 બળિયાઓનો જબરજસ્ત મુકાબલો થશે. જીવાભાઇ પટેલ મહેસાણાના સાંસદ રહી ચુકયા છે. વર્ષ 2004ની લોકસભાની ચૂંટણીમાં જીવાભાઇએ નીતિન પટેલને હરાવ્યા હતા.
નોંઘનીય છે કે ગુજરાત વિધાનસભાની ચૂંટણીના ગણતરીના દિવસો બાકી છે. ત્યારે કોંગ્રેસ મોવડીમંડળે જીવાભાઈ પટેલને મહેસાણા વિધાનસભા બેઠક પરથી મેદાનમાં ઉતારવાનો નિર્ણય લીધો છે. હાલમાં મહેસાણા બેઠક ભાજપ પાસે છે. ભાજપના દિગ્ગજ નેતા અને નાયબ મુખ્યમંત્રી નીતિન પટેલ 2012ની વિધાનસભા ચૂંટણીમાં આ બેઠક પરથી જીત્યા હતા. કોંગ્રેસે જીવાભાઈ પટેલને ટિકિટ આપતાં મહેસાણા બેઠક પર બે પાટીદારો વચ્ચે જંગ જામશે. મહેસાણા પાટીદાર અનામત આંદોલનનું એપી સેન્ટર છે તેથી નીતિન પટેલ માટે આ બેઠક અઘરી હોવાનનું માનવામાં આવી રહ્યું છે.